ລັດຖະບານລາວ ມອບຫຼຽນກາພັດທະນາໃຫ້ທ່ານພັນເອກພິເສດ ຫວໍຈ້ອງຫາຍ
ກປ.ອອນໄລ - ຕອນບ່າຍວັນທີ 1 ກຸມພາ, ຢູ່ແຂວງຮ່າຕິ້ງ, ໂດຍໄດ້ຮັບການມອບສິດຈາກນາຍົກລັດຖະມົນຕີແຫ່ງ ສປປ ລາວ, ທ່ານ ກອງແກ້ວ ໄຊສົງຄາມ, ເລຂາພັກແຂວງທັງເປັນເຈົ້າແຂວງບໍລິຄໍາໄຊ ໄດ້ປະດັບຫຼຽນກາພັດທະນາຂອງລັດຖະບານລາວ ແລະມອບໃບຍ້ອງຍໍຂອງເຈົ້າແຂວງບໍລິຄຳໄຊ ໃຫ້ທ່ານພັນເອກພິເສດ ຫວໍຈ້ອງຫາຍ, ຫົວໜ້າກອງບັນຊາການຕໍາຫຼວດແຂວງຮ່າຕິ້ງ, ຍ້ອນໄດ້ມີການປະກອບສ່ວນອັນໃຫຍ່ຫຼວງເຂົ້າໃນການພັດທະນາຂອງປະເທດລາວ ແລະແຂວງບໍລິຄໍາໄຊ.