ສືບຕໍ່ເຮັດໃຫ້ການພົວພັນຮ່ວມມືລະຫວ່າງຫວຽດນາມ-ລາວ ໃນຂົງເຂດການສຶກສາ ແລະກໍ່ສ້າງ ເລິກເຊິ່ງກວ່າອີກ

ທີ່ການຕ້ອນຮັບ, ທ່ານ ຟຸ່ງຊວນຍ້າ ຕີລາຄາສູງຕໍ່ບັນດາການປະກອບສ່ວນຂອງທ່ານ ທອງສະຫວັນ ພົມວິຫານ ໃນການປະກອບສ່ວນເຮັດໃຫ້ການພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ ເວົ້າລວມ,  ລະຫວ່າງກະຊວງສຶກສາ ແລະກໍ່ສ້າງຫວຽດນາມ ແລະກະຊວງສຶກສາທິການ ແລະກິລາລາວ ເວົ້າສະເພາະເລິກເຊິ່ງກວ່າອີກ.

ທ່ານ ຟຸ່ງຊວນຍ້າ ລັດຖະມົນຕີກະຊວງສຶກສາ ແລະກໍ່ສ້າງຫວຽດນາມ ຕ້ອນຮັບທ່ານ ທອງສະຫວັນ ພົມວິຫານ ເອກອັກຄະລັດຖະທູດແຫ່ງ ສປປ ລາວ ປະຈຳ ຫວຽດນາມ. ພາບ: moet.gov.vn.

ທ່ານ ຟຸ່ງຊວນຍ້າ ໃຫ້ຮູ້ວ່າ,  ຫວຽດນາມ ກໍ່ພວມຜັນຂະຫຍາຍແຜນຮ່າງ “ທົດລອງການສອນພາສາຫວຽດນາມ-ລາວ ຢູ່ໂຮງຮຽນ ຫງວຽນຢູ, ວຽງຈັນ, ລາວ” ແລະໂຄງການ “ເພີ່ມທະວີກຳລັງຄວາມສາມາດໃຫ້ແກ່ຖັນແຖວພະນັກງານປະຕິບັດວຽກງານສອບເສັງ ແລະກວດກາ, ຕີລາຄາຄຸນນະພາບຂອງກະຊວງສຶກສາທິການ ແລະກິລາລາວ ໄລຍະ 2014-2020”. ການຜັນຂະຫຍາຍແຜນຮ່າງ “ຮຽບຮຽງຫຼັກສູດການສອນພາສາຫວຽດນາມ ແລະຊຸດປື້ມແບບຮຽນພາສາຫວຽດນາມ (ສະບັບທົດລອງ) ແຕ່ຫ້ອງປໍ1 ຫາ ມໍ7 ໃຫ້ແກ່ນັກຮຽນລາວ ຢູ່ລາວ”. ທ່ານ ຟຸ່ງຊວນຍ້າ ປາດຖະໜາວ່າ, ຝ່າຍລາວ ຈະມີບັນດາຂໍ້ກຳນົດລະອຽດກວ່າອີກໃນການຄັດເລືອກເອົານັກຮຽນນອກແຜນ, ພິເສດແມ່ນຮັບປະກັນລະດັບຄວາມຮູ້ດ້ານພາສາຫວຽດນາມ.

ທ່ານ ທອງສະຫວັນ ພົມວິຫານ ມອບຂອງຂວັນໃຫ້ແກ່ທ່ານ ຟຸ່ງຊວນຍ້າ. ພາບ: moet.gov.vn.

ສ່ວນທ່ານ ທອງສະຫວັນ ພົມວິຫານ ໃຫ້ຮູ້ວ່າ, ເມື່ອກັບເມືອດໍາລົງຕໍາແໜ່ງໃໝ່ຢູ່ປະເທດ ທ່ານຈະສືບຕໍ່ເອົາໃຈໃສ່ເຖິງການຊຸກຍູ້ການຮ່ວມມືລະຫວ່າງສອງປະເທດເວົ້າລວມ, ລະຫວ່າງກະຊວງສຶກສາ ແລະກໍ່ສ້າງສອງປະເທດເວົ້າສະເພາະ ເພື່ອແນໃສ່ຮັດແໜ້ນສາຍພົວພັນລະຫວ່າງສອງປະເທດໃນຂົງເຂດສຶກສາ ແລະກໍ່ສ້າງ ຕື່ມອີກ.

ໂດຍ: ເຈິ່ນຮວ່ຽນ