ເສີມຂະຫຍາຍມູນເຊື້ອຂະແໜງສານ, ເພີ່ມພູນຄູນສ້າງສາຍພົວພັນມິດຕະພາບຫວຽດນາມ-ລາວ
ກປ.ອອນໄລ - ຕອນຄໍ່າວັນທີ 14 ກັນຍາ, ຢູ່ນະຄອນວິງ, ແຂວງເງະອານ, ເນື່ອງໃນໂອກາດສະເຫຼີມສະຫຼອງ 74 ປີແຫ່ງວັນສ້າງຕັ້ງສານປະຊະຊົນຫວຽດນາມ (13-9-1945/13-9-2019), ສານປະຊາຊົນສູງສຸດຫວຽດນາມ ຈັດຕັ້ງພິທີສະເຫຼີມສະຫຼອງ 74 ປີແຫ່ງວັນສ້າງຕັ້ງສານປະຊະຊົນຫວຽດນາມ ແລະລາຍການພົບປະແລກປ່ຽນສິລະປະລະຫວ່າງສານປະຊາຊົນສອງປະເທດຫວຽດນາມ-ລາວ.
ກ່າວຄໍາເຫັນທີ່ພິທີ, ທ່ານນາງ ຫງວຽນທຸຍຮ່ຽນ ຮອງປະທານສານປະຊາຊົນສູງສຸດຫວຽດນາມ ເນັ້ນໜັກວ່າ, ຜ່ານບັນດາໄລຍະພັດທະນາຕ່າງໆ, ພະນັກງານ, ລັດຖະກອນ, ຜູ້ອອກແຮງງານຂອງສານປະຊາຊົນທຸກຂັ້ນຍາມໃດກໍ່ຈົງຮັກພັກດີກັບອຸດົມຄະຕິປະຕິວັດອັນສູງສົ່ງດີງາມເຊິ່ງພັກ, ລຸງໂຮ່ ແລະປະຊາຊົນພວກເຮົາໄດ້ເລືອກເຟັ້ນຢ່າງເດັດຂາດ.
|
|
ຄະນະຜູ້ແທນສານປະຊາຊົນສອງປະເທດໄດ້ມອບດອກໄມ້ອວຍພອນ, ທຸງທີ່ລະນຶກໃຫ້ກັນເນື່ອງໃນໂອກາດສະເຫຼີມສະຫຼອງ 74 ປີແຫ່ງວັນສ້າງຕັ້ງຂະແໜງສານ. ພາບ: baonghean.vn. |
ຂະແໜງສານຫວຽດນາມ ຍາມໃດກໍ່ມານະພະຍາຍາມສູ້ຊົນເພື່ອສໍາເລັດບັນດາໜ້າທີ່ທີ່ໄດ້ຮັບມອບຢ່າງດີເດັ່ນ; ຮັບໃຊ້ປະຊາຊົນຢ່າງໝົດຈິດໝົດໃຈ; ຜ່ານຜ່າທຸກຄວາມຫຍຸ້ງຍາກ, ສົມເປັນອົງການຮັກສາຄວາມຍຸຕິທໍາ, ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ.
ກ່າວຄໍາເກັນທີ່ພິທີ, ທ່ານ ຄໍາພາ ແສງດາຣາ ປະທານສານປະຊາຊົນສູງສຸດລາວ ສະແດງຄວາມເຄົາລົບນັບຖື, ຄວາມເອກອ້າງທະນົງໃຈ, ຈັດຈໍາການຊ່ວຍເຫຼືອຂອງສານປະຊາຊົນຫວຽດນາມ ໃນໄລຍະຜ່ານມາ, ພ້ອມທັງຢັ້ງຢືນວ່າຂະແໜງສານລາວ ຈະຍາມໃດກໍ່ເຊື່ອໝັ້ນ ແລະມານະພະຍາຍາມເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ-ລາວ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ອວຍພອນວັນສ້າງຕັ້ງຂະແໜງສານ, ພະນັກງານ, ພາລະກອນຂະແໜງສານຫວຽດນາມ ແລະລາວ ໄດ້ພ້ອມກັນສະແດງລາຍການສິລະປະສັນລະເສີນບັນດາການນໍາ ແລະນໍ້າໃຈມິດຕະພາບລະຫວ່າງສອງຊາດຫວຽດນາມ-ລາວ.
ໂດຍ: ຈາງຫງວຽນ