ຄະນະກໍາມະການກວດກາສູນກາງພັກກອມມູນິດຫວຽດນາມ ພົບປະເຈລະຈາກັບຄະນະກວດກາສູນກາງພັກປະຊາຊົນປະຕິວັດລາວ
ກປ.ອອນໄລ - ວັນທີ 16 ສິງຫາ, ທີ່ນະຄອນຮ່າຕີ໋ງ (ແຂວງຮ່າຕີ໋ງ), ຄະນະຜູ້ແທນຄະນະກໍາມະການກວດກາສູນກາງພັກກອມມູນິດຫວຽດນາມ ໄດ້ມີການພົບປະເຈລະຈາກັບຄະນະຜູ້ແທນຄະນະກວດກາສູນກາງພັກປະຊາຊົນປະຕິວັດລາວ.
|
|
ທ່ານ ເຈິ່ນເກີ໋ມຕູ໊, ປະທານຄະນະກໍາມະການກວດກາສູນກາງພັກກອມມູນິດຫວຽດນາມ ກ່າວຄໍາເຫັນທີ່ການພົບປະເຈລະຈາ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ການພົບປະເຈລະຈາ, ທ່ານ ເຈິ່ນເກີ໋ມຕູ໊, ປະທານຄະນະກໍາມະການກວດກາສູນກາງພັກກອມມູນິດຫວຽດນາມ ຢັ້ງຢືນວ່າ, ໃນໄລຍະຜ່ານມາ, ສອງພັກ, ສອງລັດບັນລຸໄດ້ໝາກຜົນສໍາຄັນຕ່າງໆໃນຫຼາຍຂົງເຂດ. ສອງປະເທດໄດ້ແລກປ່ຽນບົດຮຽນອັນລໍ້າຄ່າໃນວຽກງານພັກ, ວຽກງານກວດກາ, ຕິດຕາມກວດກາ, ການຕ້ານ ແລະສະກັດກັ້ນການສໍ້ລາດບັງຫຼວງ, ພ້ອມທັງເຫັນດີເປັນເອກະພາບຕໍ່ທິດທາງ, ມາດຕະການເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດເວົ້າລວມ ແລະລະຫວ່າງຄະນະກໍາມະການກວດກາສູນກາງພັກ, ອົງການກວດກາລັດຖະບານຫວຽດນາມ ກັບຄະນະກວດກາສູນກາງພັກປະຊາຊົນປະຕິວັດລາວ ກວ່າອີກ.
|
|
ບັນຍາກາດທີ່ການພົບປະເຈລະຈາ. ພາບ: ສໍານັກຂ່າວສານຫວຽດນາມ. |
ສ່ວນທ່ານ ບຸນທອງ ຈິດມະນີ, ຮອງນາຍົກລັດຖະມົນຕີ, ປະທານຄະນະກວດກາສູນກາງ, ປະທານອົງການກວດກາລັດຖະບານລາວ ໄດ້ຍົກອອກບັນດາວຽກງານປ່ຽນແປງໃໝ່ໃນການກໍ່ສ້າງພັກ, ຍູ້ແຮງວຽກງານກວດກາ, ຕິດຕາມກວດກາ, ການຕ້ານ ແລະສະກັດກັ້ນການສໍ້ລາດບັງຫຼວງ. ຄະນະກວດກາສູນກາງພັກປະຊາຊົນປະຕິວັດລາວ ໄດ້ແກ້ໄຂ, ປະຕິບັດວິໄນພະນັກງານ, ສະມາຊິກພັກຫຼາຍຄົນທີ່ລະເມີດກົດໝາຍ.
ທ່ານ ບຸນທອງ ຈິດມະນີ ປາດຖະໜາວ່າ ໃນໄລຍະຈະມາເຖິງ, ຄະນະກວດກາສູນກາງພັກປະຊາຊົນປະຕິວັດລາວ ແລະຄະນະກໍາມະການກວດກາສູນກາງພັກກອມມູນິດຫວຽດນາມ ມີການສົມທົບກັນ, ຮ່ວມມື ກໍ່ຄືແບ່ງປັນບົດຮຽນໃນທຸກຂົງເຂດ ເພື່ອຊຸກຍູ້ການພັດທະນາເສດຖະກິດ-ສັງຄົມຂອງສອງປະເທດໃນໄລຍະຈະມາເຖິງ.
ໂດຍ: ທູຈາງ