ກວດພະຍາດ ແລະແຈກຢາຍຢຸກຢາໂດຍບໍ່ເສຍຄ່າໃຫ້ປະຊາຊົນລາວ
ກປ.ອອນໄລ - ວັນທີ 20 ກໍລະກົດ, ຢູ່ກຸ່ມບ້ານແດນສະຫວັນ, ເມືອງເຊໂປນ, ແຂວງສະຫວັນນະເຂດ, ປະເທດລາວ. ກອງບັນຊາການທະຫານຊາຍແດນແຂວງກວ໋າງຈິ ໄດ້ສົມທົບກັບເມືອງເຊໂປນ ຈັດຕັ້ງລາຍການກວດພະຍາດ, ໃຫ້ຄໍາປຶກສາ, ແຈກຢາຍຢຸກຢາໂດຍບໍ່ເສຍຄ່າໃຫ້ປະຊາຊົນກຸ່ມບ້ານຊາຍແດນ ແດນສະຫວັນ, ລາວ.
    |
 |
|
ຄ້າຍທະຫານຊາຍແດນດ່ານສາກົນລາວບ໋າວ (ທະຫານຊາຍແດນແຂວງກວ໋າງຈິ) ແລະສະມາຄົມການກຸສົນດອກບົວມອບຂອງຂວັນໃຫ້ແກ່ບັນດາຄອບຄົວທຸກຍາກຢູ່ກຸ່ມບ້ານແດນສະຫວັນ. ພາບ: ຈຸກຮ່າ. |
ນີ້ແມ່ນໜຶ່ງໃນບັນດາການເຄື່ອນໄຫວທີ່ນອນໃນລາຍການພົບປະແລກປ່ຽນມິດຕະພາບຊາຍແດນຫວຽດນາມ-ລາວ ປີ 2019, ເຊິ່ງໄດ້ຈັດຕັ້ງຢູ່ແຂວງກວ໋າງຈິ ໃນທ້າຍເດືອນ ກໍລະກົດ 2019. ເຂົ້າຮ່ວມການກວດພະຍາດ, ໃຫ້ຄໍາປຶກສາ ແລະແຈກຢາຍຢຸກຢາໂດຍບໍ່ເສຍຄ່າມີແພດໝໍ, ທີ່ສັງກັດກົມພະລາທິການທະຫານຊາຍແດນຫວຽດນາມ, ຫ້ອງພະລາທິການທະຫານຊາຍແດນແຂວງກວ໋າງຈິ, ສູນການແພດເມືອງເຮື໋ອງຮວ໋າ ແລະບັນດາແພດໝໍຢູ່ເມືອງເຊໂປນ ນຳອີກ.
|
|
 |
|
ແພດໝໍທະຫານຊາຍແດນຫວຽດນາມ ແລະສູນການແພດເມືອງເຊໂປນ ກວດພະຍາດໃຫ້ແກ່ປະຊາຊົນ. ພາບ: ຈຸກຮ່າ. |
ຜ່ານເວລາ 1 ມື້ທີ່ຢ້ຽມຢາມ ແລະກວດພະຍາດ, ມີປະຊາຊົນເກືອບ 400 ເທື່ອຄົນໄດ້ກວດພະຍາດ, ໃຫ້ຄໍາປຶກສາ ແລະແຈກຢາຍຢຸກຢາໂດຍບໍ່ເສຍຄ່າ, ລວມມູນຄ່າທັງໝົດຫຼາຍກວ່າ 30 ລ້ານດົ່ງ.
|
|
 |
|
ແຈກຢາຍຢຸກຢາໂດຍບໍ່ເສຍຄ່າໃຫ້ແກ່ປະຊາຊົນບ້ານແດນສະຫວັນ. ພາບ: ຈຸກຮ່າ. |
ເນື່ອງໃນໂອກາດນີ້, ທະຫານຊາຍແດນແຂວງກວ໋າງຈິ ກໍ່ໄດ້ປຸກລະດົມສະມາຄົມການກຸສົນດອກບົວ (ເທດທະບານເມືອງເຊີນໄຕ, ຮ່າໂນ້ຍ) ມອບຂອງຂວັນ 50 ພູດລວມມູນຄ່າທັງໝົດ 25 ລ້ານດົ່ງໃຫ້ແກ່ບັນດາຄອບຄົວທຸກຍາກຂອງກຸ່ມບ້ານແດນສະຫວັນ.
ໂດຍ: ເກື່ອງດັ້ງ