ການແລກປ່ຽນບົດຮຽນລະຫວ່າງສານປະຊາຊົນແຂວງແທັງຮວ໊າ ແລະສານປະຊາຊົນແຂວງຫົວພັນ

ທີ່ການເຮັດວຽກ, ທ່ານນາງ ຫງວຽນທິງາ, ປະທານສານປະຊາຊົນແຂວງແທັງຮວ໊າ ໄດ້ແນະນໍາກ່ຽວກັບວິວັດການພັດທະນາ, ໂຄງປະກອບການຈັດຕັ້ງ, ການເຄື່ອນໄຫວດ້ານວິຊາສະເພາະຂອງສານປະຊາຊົນແຂວງແທັງຮວ໊າ. ທ່ານນາງ ຫງວຽນທິງາ ໄດ້ແຈ້ງໃຫ້ຊາບໝາກຜົນă 2 ປີແຫ່ງການປະຕິບັດຂໍ້ຕົກລົງການຮ່ວມມືລະຫວ່າງສານປະຊາຊົນສອງແຂວງ.

ສອງຝ່າຍໄດ້ຕິດຕາມການເຄື່ອນໄຫວໃນຂົງເຂດວິຊາສະເພາະເປັນປະຈຳ, ຢ້ຽມຢາມຖາມຂ່າວ, ອວຍພອນບັນດາເຫດການສໍາຄັນຢ່າງທັນການ; ພ້ອມທັງໜູນຊ່ວຍອຸປະກອນເຮັດວຽກຮັບໃຊ້ວຽກງານວິຊາສະເພາະຂອງຂະແໜງ, ປະຕິບັດບັນດາການຢ້ຽມຢາມ ແລະເຮັດວຽກເພື່ອແລກປ່ຽນບົດຮຽນກ່ຽວກັບວຽກງານພິພາກສາ ແລະແບ່ງປັນຂໍ້ມູນຂ່າວສານກ່ຽວກັບວຽກງານຄຸ້ມຄອງ.

ບັນຍາກາດທີ່ການເຮັດວຽກ. ພາບ: congly.vn.

ສານປະຊາຊົນແຂວງແທັງຮວ໊າ ໄດ້ຊີ້ນໍາສານປະຊາຊົນເມືອງຕ່າງໆທີ່ມີເສັ້ນຊາຍແດນຕິດກັບແຂວງຫົວພັນ, ສົມທົບກັບບັນດາຄະນະພັກ ແລະອໍານາດການປົກຄອງທ້ອງຖິ່ນຍູ້ແຮງວຽກງານໂຄສະນາ, ສຶກສາອົບຮົມກ່ຽວກັບກົດໝາຍໃຫ້ແກ່ປະຊາຊົນເພື່ອໃຫ້ປະຊາຊົນປະຕິບັດພັນທະຂອງພົນລະເມືອງຢູ່ແຕ່ລະປະເທດຢ່າງຄົບຖ້ວນ, ເພື່ອແນໃສ່ສະກັດກັ້ນການລະເມີດ, ອາດຊະຍາກໍາ.

ສອງຝ່າຍແລກປ່ຽນບົດບັນທຶກຊ່ວຍຈໍາການຮ່ວມມື. ພາບ: congly.vn.

ທ່ານ ພອນສຸກ ທອງສົມບັດ ກໍານົດວ່າວຽກງານຕໍ່ສູ້, ຕ້ານ ແລະສະກັດກັ້ນອາດຊະຍາກໍາຢູ່ເຂດຊາຍແດນສອງປະເທດແມ່ນໜ້າທີ່ລວມຂອງສອງຝ່າຍ ແລະຍົກອອກທິດທາງສົມທົບກັນໃນໄລຍະຈະມາເຖິງ. ເພີ່ມທະວີການແລກປ່ຽນວຽກງານ, ແບ່ງປັນບົດຮຽນເພື່ອແນໃສ່ສົມທົບກັນໃນການເຄື່ອນໄຫວວິຊາການຢ່າງມີປະສິດທິຜົນຢູ່ແຕ່ລະຝ່າຍ. ສຸມໃສ່ທໍາລາຍບັນດາສາຍຄ້າເຖື່ອນ, ອາດຊະຍາກໍາຢາເສບຕິດ, ການຄ້າຂາຍອາວຸດຢ່າງຜິດກົດໝາຍ...

ໂດຍ: ທູຈາງ