ເປີດຄູ່ດ່ານຊາຍແດນສໍາຮອງເນິ້ມແລ້ງ (ເຊີນລາ) ແລະເມືອງເປີ (ຫົວພັນ, ລາວ)
ກປ.ອອນໄລ - ໃນວັນທີ 9 ກໍລະກົດ, ຢູ່ດ່ານຊາຍແດນສໍາຮອງເນິ້ມແລ້ງ (ເມືອງສົບກົບ, ແຂວງເຊີນລາ) ແລະແຂວງຫົວພັນ (ລາວ) ໄດ້ຈັດຕັ້ງພິທີເປີດຄູ່ດ່ານຊາຍແດນເນິ້ມແລ້ງ (ຫວຽດນາມ) ແລະເມືອງເປີ (ເມືອງຊ່ອນ, ແຂວງຫົວພັນ, ລາວ).
|
|
ການນໍາສອງແຂວງເຊີນລາ-ຫົວພັນ ຕັດແຖບຜ້າເປີດສະຫຼອງຄູ່ດ່ານຊາຍແດນສໍາຮອງ. ພາບ: ວີ່ຮ້ຽນ. |
ພິທີເປີດຄູ່ດ່ານຊາຍແດນເນິ້ມແລ້ງ ແລະເມືອງເປີ ມີຄວາມໝາຍສໍາຄັນຕໍ່ກັບສອງເມືອງສົບກົບ-ເມືອງຊ່ອນ ໃນການສ້າງເງື່ອນໄຂສະດວກໃຫ້ປະຊາຊົນສອງປະເທດໄດ້ໄປມາຫາສູ່, ແລກປ່ຽນສິນຄ້າຢ່າງສະດວກກວ່າອີກ. ພ້ອມທັງເພີ່ມທະວີມູນເຊື້ອສາມັກຄີ, ການພົວພັນມິດຕະພາບລະຫວ່າງສອງປະເທດຫວຽດນາມ-ລາວ ເວົ້າລວມ ແລະແຂວງເຊີນລາ-ຫົວພັນ ເວົ້າສະເພາະນັບມື້ນັບພັດທະນາຕາມລວງເລິກ ແລະນັບມື້ນັບໝັ້ນແກ່ນ.
ກ່າວຄໍາເຫັນທີ່ພິທີເປີດ, ທ່ານ ຮວ່າງວັນເຈິດ, ເລຂາພັກແຂວງ, ປະທານສະພາປະຊາຊົນແຂວງເຊີນລາ ເນັ້ນໜັກວ່າ, ໃນໄລຍະຜ່ານມາ, ອົງຄະນະພັກ, ອໍານາດການປົກຄອງປະຊາຊົນສອງແຂວງ ເຊີນລາ-ຫົວພັນ ໄດ້ເສີມຂະຫຍາຍບັນດາແຜນການຮ່ວມມື, ພັດທະນາຮອບດ້ານໃນທຸກຂົງເຂດກ່ຽວກັບການພັດທະນາເສດຖະກິດ-ສັງຄົມ, ການປ້ອງກັນຊາດ, ການພົວພັນຕ່າງປະເທດ ແລະປັບປຸງລະບົບການເມືອງ, ປະກອບສ່ວນສ້າງເຂດຊາຍແດນສອງປະເທດໃຫ້ເຂັ້ມແຂງ ແລະພັດທະນາຢ່າງຮອບດ້ານ.
|
|
ການນໍາສອງແຂວງພ້ອມກັບຄະນະປະຕິບັດງານຢ້ຽມຊົມບັນດາຮ້ານວາງສະແດງຜະລິດຕະພັນກະສິກໍາຂອງສອງແຂວງ. ພາບ: ວີ່ຮ້ຽນ. |
ທ່ານ ຮວ່າງວັນເຈິດ ສະເໜີວ່າສອງແຂວງຄວນສືບຕໍ່ເອົາໃຈໃສ່ໃນການລົງທຶນກໍ່ສ້າງພື້ນຖານໂຄງລ່າງ, ສ້າງນະໂຍບາຍຢ່າງເໝາະສົມ, ຕອບສະໜອງຄວາມຮຽກຮ້ອງຕ້ອງການປົກປັກຮັກສາອະທິປະໄຕຄວາມສະຫງົບຊາຍແດນແຫ່ງຊາດ ແລະພັດທະນາເສດຖະກິດ-ສັງຄົມ.
ຕາງໜ້າອົງຄະນະພັກ, ອໍານາດການປົກຄອງແຂວງຫົວພັນ, ທ່ານ ວັນໄຊ ແພງຊຸມມາ ເລຂາພັກແຂວງ, ເຈົ້າແຂວງໆຫົວພັນ ຢັ້ງຢືນວ່າ, ພິທີເປີດຄູ່ດ່ານຊາຍແດນຄັ້ງນີ້ຈະສ້າງເງື່ອນໄຂສະດວກໃຫ້ປະຊາຊົນສອງຝ່າຍຊາຍແດນໄດ້ໄປມາຫາສູ່, ແລກປ່ຽນສິນຄ້າ; ພ້ອມທັງ, ເພີ່ມພູນຄູນສ້າງມູນເຊື້ອສາມັກຄີ, ມິດຕະພາບລະຫວ່າງຫວຽດນາມ-ລາວ ເວົ້າລວມ ແລະແຂວງຫົວພັນ-ເຊີນລາ ເວົ້າສະເພາະໃຫ້ນັບມື້ນັບພັດທະນາ…
ໂດຍ: ຈາງຫງວຽນ