leftcenterrightdel
ບັນຍາກາດທີ່ການຕ້ອນຮັບ. ພາບ: baonghean.vn.

ທີ່ການຕ້ອນຮັບ, ທ່ານ ຫງວຽນຊວນເຊີນ ຮອງເລຂາຜູ້ປະຈໍາການພັກແຂວງ ສະແດງຄວາມຫວັງວ່າໃນໄລຍະຈະມາເຖິງ, ກຳມະບານສອງແຂວງສືບຕໍ່ມີການແລກປ່ຽນ, ຖອດຖອນບົດຮຽນເຊິ່ງກັນ ແລະກັນ, ກໍ່ສ້າງຊົນຊັ້ນກຳມະກອນໃນສະພາບການເຊື່ອມໂຍງພ້ອມກັນ, ຈາກນັ້ນປະກອບສ່ວນຍົກສູງສາຍພົວພັນມິດຕະພາບລະຫວ່າງສອງແຂວງໃນຂົງເຂດຕ່າງໆນັບມື້ນັບເຂົ້າສູ່ລວງເລິກ.

leftcenterrightdel
ທ່ານ ຫງວຽນຊວນເຊີນ ຮອງເລຂາຜູ້ປະຈໍາການພັກແຂວງ ຕ້ອນຮັບຄະນະຜູ້ແທນສະຫະພັນກຳມະບານແຂວງຊຽງຂວາງ. ພາບ: baonghean.vn.

ທ່ານ ຫງວຽນຊວນເຊີນ ຢັ້ງຢືນວ່າ, ຄະນະພັກ, ອຳນາດການປົກຄອງແຂວງເງະອານ ຍາມໃດກໍ່ສະຫງວນຄວາມເອົາໃຈໃສ່ຫຼາຍຢ່າງ, ສ້າງເງື່ອນໄຂໃຫ້ກຳມະບານສອງແຂວງສະໜິດຕິດພັນກັນ. ຄຽງຂ້າງນັ້ນ, ທ່ານ ຫງວຽນຊວນເຊີນ ກໍ່ສະເໜີກຳມະບານສອງຝ່າຍຍົກອອກບັນດາມາດຕະການແນໃສ່ສ້າງເງື່ອນໄຂ, ນະໂຍບາຍ, ເສີມຂະຫຍາຍບົດບາດຂອງວິສາຫະກິດຫວຽດນາມຢູ່ລາວ, ເພື່ອໃຫ້ສອງຝ່າຍພ້ອມກັນພັດທະນາ.

leftcenterrightdel
ທ່ານ ຫງວຽນຊວນເຊີນ ຮອງເລຂາຜູ້ປະຈໍາການພັກແຂວງ ມອບຂອງຂວັນທີ່ລະນຶກໃຫ້ຄະນະປະຕິບັດງານແຂວງຊຽງຂວາງ. ພາບ: baonghean.vn.

ສ່ວນທ່ານນາງ ອຸທອນ ມາສີຊົນໄຊ ໃຫ້ຮູ້ວ່າ ສອງຝ່າຍໄດ້ມີການຮໍ່າຮຽນ, ແລກປ່ຽນບົດຮຽນເຊິ່ງກັນ ແລະກັນ ແລະຖອດຖອນບົດຮຽນໃນວຽກງານຈັດຕັ້ງພະນັກງານ, ກໍ່ຄືເສີມຂະຫຍາຍບົດບາດຂອງກໍາມະບານໃນການພັດທະນາເສດຖະກິດ, ສັງຄົມ, ພ້ອມທັງສະແດງຄວາມປາດຖະໜາຢາກເພີ່ມທະວີການແລກປ່ຽນບົດຮຽນລະຫວ່າງສະຫະພັນກຳມະບານແຂວງຊຽງຂວາງ ກັບສະຫະພັນແຮງງານແຂວງເງະອານ ຜ່ານບັນດາການເຄື່ອນໄຫວຢ່າງແທດຈິງ, ເລິກເຊິ່ງກວ້າງຂວາງ ແລະມີຄຸນປະໂຫຍດ, ຜ່ານນັ້ນ, ປະກອບສ່ວນຮັດແໜ້ນນໍ້າໃຈສາມັກຄີມິດຕະພາບແບບພິເສດລະຫວ່າງສອງປະເທດອ້າຍນ້ອງຫວຽດນາມ-ລາວ.

ໂດຍ: ເຈິ່ນຮວ່ຽນ