ຕອນເຊົ້າວັນທີ 9 ເມສາ, ຢູ່ຫຼັກໝາຍຊາຍແດນເລກທີ 207 (ບ້ານຈ່ຽງເຄືອງ, ຕາແສງຈ່ຽງເຄືອງ, ເມືອງຊົງມ໋າ, ແຂວງເຊີນລາ), ຄະນະປະຕິບັດງານຂອງກອງບັນຊາການທະຫານຊາຍແດນແຂວງເຊີນລາ ນໍາໂດຍທ່ານພັນເອກພິເສດ ກ່າວັນເລິບ ຫົວໜ້າການເມືອງທະຫານຊາຍແດນແຂວງເຊີນລາ ໄດ້ມີການພົບປະ, ແລກປ່ຽນກ່ຽວກັບສະພາບການ ແລະມອບຂອງຂວັນໃຫ້ກອງບັນຊາການທະຫານແຂວງຫົວພັນ, ລາວ ນໍາໂດຍທ່ານພົນຈັດຕະວາ ສຸລິນພອນ ຄຳພະຈັນ, ຫົວໜ້າການເມືອງກອງບັນຊາການ ທະຫານແຂວງຫົວພັນ ແລະກອງບັນຊາການ ປກສ ແຂວງຫົວພັນ ນໍາໂດຍທ່ານພັນໂທ ເພັດນ້ອຍ ລໍລອນສີ ຮອງຫົວໜ້າກອງບັນຊາການ ປກສ ແຂວງຫົວພັນ.

leftcenterrightdel
ທ່ານພັນເອກພິເສດ ກ່າວັນເລິບ ຫົວໜ້າການເມືອງທະຫານຊາຍແດນແຂວງເຊີນລາ ມອບຂອງຂວັນໃຫ້ກອງບັນຊາການທະຫານ ແລະກອງບັນຊາການ ປກສ ແຂວງຫົວພັນ ເນື່ອງໃນໂອກາດບຸນປີໃໝ່. ພາບ: ວີ່ຮ້ຽນ.

ທີ່ການພົບປະ, ຜູ້ຕາງໜ້າສອງຝ່າຍໄດ້ຕີລາຄາສູງຕໍ່ການສົມທົບລະຫວ່າງທະຫານຊາຍແດນແຂວງເຊີນລາ (ຫວຽດນາມ) ກັບກໍາລັງການທະຫານ ແລະກອງບັນຊາການ ປກສ ແຂວງຫົວພັນ (ລາວ) ໃນວຽກງານປ້ອງກັນ, ຕ້ານພະຍາດໂຄວິດ-19; ປົກປັກຮັກສາຊາຍແດນ ແລະໜ້າທີ່ອື່ນອີກຈໍານວນໜຶ່ງ. ສອງຝ່າຍໄດ້ເຫັນດີເປັນເອກະພາບນຳກັນວ່າ, ໃນໄລຍະຈະມາເຖິງຈະສືບຕໍ່ ເພີ່ມທະວີວຽກງານສົມທົບກັນໃນການປ້ອງກັນ, ຕ້ານພະຍາດໂຄວິດ-19 ແລະຕໍ່ສູ້ປ້ອງກັນ, ຕ້ານອາດຊະຍາກຳປະເພດຕ່າງໆ... ປະກອບສ່ວນສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື, ສະຖຽນລະພາບ ແລະພັດທະນາ.

ເນື່ອງໃນໂອກາດກະກຽມຕ້ອນຮັບບຸນປີໃໝ່ລາວ, ທ່ານພັນເອກພິເສດ ກ່າວັນເລິບ ໄດ້ສົ່ງຄໍາອວຍພອນເຖິງພະນັກງານ, ນັກຮົບກອງບັນຊາການທະຫານ ແລະກອງບັນຊາການ ປກສ ແຂວງຫົວພັນ.

ຕາງໜ້າຄະນະປະຕິບັດງານກອງບັນຊາການທະຫານ ແລະກອງບັນຊາການ ປກສ ແຂວງຫົວພັນ, ທ່ານພົນຈັດຕະວາ ສຸລິນພອນ ຄຳພະຈັນ ໄດ້ສົ່ງຄໍາຂອບໃຈມາຍັງພະນັກງານ, ນັກຮົບທະຫານຊາຍແດນແຂວງເຊີນລາ ທີ່ໄດ້ຊ່ວຍເຫຼືອ ແລະສະຫງວນອາລົມຈິດພິເສດໃຫ້ປະຊາຊົນ ແລະກໍາລັງປ້ອງກັນຊາຍແດນແຂວງຫົວພັນ, ລາວ.

ໂດຍ: ກວຽດເຕິມ