ຈັດຕັ້ງການໄປຢ້ຽມຢາມ, ລະດົມກໍາລັງໃຈທະຫານ ແລະປະຊາຊົນໝູ່ເກາະເຈື່ອງຊາ
ກປ.ອອນໄລ - ຕອນບ່າຍວັນທີ 10 ມັງກອນ, ທີ່ນະຄອນກາມແຣງ, ແຂວງແຄ໋ງຮວ່າ, ກອງບັນຊາການທະຫານເຮືອເຂດ 4 ໄດ້ສົມທົບກັບຄະນະກໍາມະການປະຊາຊົນແຂວງແຄ໋ງຮວ່າ ຈັດຕັ້ງພິທີສົ່ງຄະນະປະຕິບັດງານໄປຢ້ຽມຢາມ, ອວຍພອນບຸນເຕັດທະຫານ ແລະປະຊາຊົນໝູ່ເກາະເຈື່ອງຊາ, ແຂວງແຄ໋ງຮວ່າ.
    |
 |
|
ພໍ່ແມ່ປະຊາຊົນເປັນຈໍານວນຫຼວງຫຼາຍເຂົ້າຮ່ວມພິທີສົ່ງຄະນະປະຕິບັດງານໄປຍັງໝູ່ເກາະເຈື່ອງຊາ. ພາບ: qdnd.vn. |
ຄະນະປະຕິບັດງານໄດ້ນໍາເອົາສິນຄ້າ ເຊິ່ງແມ່ນເຄື່ອງໃຊ້ທີ່ຈໍາເປັນຮັບໃຊ້ທະຫານ ແລະປະຊາຊົນໝູ່ເກາະເຈື່ອງຊາ ຕ້ອນຮັບບຸນປີໃໝ່ປະຈໍາຊາດປີສະລູ 2021. ຄາດຄະເນວ່າໃນ 20 ວັນ, ຄະນະຈະໄປຢ້ຽມຢາມທຸກໝູ່ເກາະ, ສະຖານທີ່ຕັ້ງທັບສັງກັດເມືອງເຈື່ອງຊາ. ກ່າວຄໍາເຫັນທີ່ພິທີ, ການນໍາແຂວງແຄ໋ງຮວ່າ ອວຍພອນຄະນະປະຕິບັດງານຢູ່ດີມີແຮງ, ຜ່ານຜ່າຄວາມຫຍຸ້ງຍາກ, ປະຕິບັດສໍາເລັດທຸກໜ້າທີ່; ອວຍພອນທະຫານ ແລະປະຊາຊົນຢູ່ເມືອງເກາະເຈື່ອງຊາ ຢູ່ດີມີແຮງ, ມີຄວາມຜາສຸກ ແລະຕ້ອນຮັບບຸນປີໃໝ່ປະຈໍາຊາດດ້ວຍຄວາມອົບອຸ່ນ, ປອດໄພ, ປະຕິບັດສໍາເລັດທຸກໜ້າທີ່ທີ່ໄດ້ຮັບມອບໝາຍ, ພິເສດແມ່ນສ້າງຜົນງານຫຼາຍຢ່າງ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ XIII ຂອງພັກ. ທີ່ພິທີ, ການນໍາແຂວງແຄ໋ງຮວ່າ ໄດ້ມອບຂອງຂວັນບຸນເຕັດໃຫ້ຄະນະປະຕິບັດງານ ແລະທະຫານ, ປະຊາຊົນໃນໝູ່ເກາະ.
ໂດຍ: ທະນາພອນ