ຈັດຕັ້ງການແຂ່ງຂັນ “ນ້ອງຮັກທະເລ, ໝູ່ເກາະແຫ່ງບ້ານເກີດເມືອງນອນ”
ກປ.ອອນໄລ - ຕອນເຊົ້າວັນທີ 31 ຕຸລາ, ຢູ່ຮ່າໂນ້ຍ, ກອງບັນຊາການຕໍາຫຼວດທະເລ ໄດ້ສົມທົບກັບໂຮງໝໍເສນາຮັກ 103, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ແລະຄະນະກໍາມະການປະຊາຊົນເມືອງເທື່ອງຕີ໊ນ ຈັດຕັ້ງການແຂ່ງຂັນ “ນ້ອງຮັກທະເລ, ໝູ່ເກາະແຫ່ງບ້ານເກີດເມືອງນອນ”, ດ້ວຍການເຂົ້າຮ່ວມຂອງນັກຮຽນເກືອບ 100 ຄົນສັງກັດ 3 ໂຮງຮຽນມັດທະຍົມຕອນຕົ້ນໃນບໍລິເວນ.
|
|
ຄະນະຈັດຕັ້ງມອບລາງວັນໃຫ້ພວກນ້ອງນັກຮຽນທີ່ບັນລຸໄດ້ຜົນງານດີເດັ່ນໃນການແຂ່ງຂັນ. ພາບ: qdnd.vn. |
ຜ່ານການແຂ່ງຂັນແມ່ນເພື່ອແນໃສ່ຍົກສູງຄຸນນະພາບວຽກງານໂຄສະນາກ່ຽວກັບທະເລ, ໝູ່ເກາະຫວຽດນາມ; ປະກອບຄວາມຮູ້ພື້ນຖານ, ຄື: ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ກົດໝາຍທະເລຫວຽດນາມ ປີ 2012; ບົດບາດ, ໜ້າທີ່, ມູນເຊື້ອຂອງກໍາລັງຕໍາຫຼວດທະເລ. ສິ້ນສຸດການແຂ່ງຂັນ, ຄະນະຈັດຕັ້ງໄດ້ມອບ 9 ລາງວັນ ແລະໃບຍ້ອງຍໍໃຫ້ພວກນ້ອງນັກຮຽນທີ່ບັນລຸໄດ້ຜົນງານສູງ.
ເນື່ອງໃນໂອກາດນີ້, ກອງບັນຊາການຕໍາຫຼວດທະເລ ຍັງໄດ້ສົມທົບກັບບັນດາກົມກອງຮ່ວມເດີນທາງມອບຂອງຂວັນໃຫ້ແມ່ຫວຽດນາມວິລະຊົນ, ມອບຂອງຂວັນໃຫ້ບັນດານັກຮຽນທຸກຍາກແຕ່ມັກຮຽນດ້ວຍຍອດມູນຄ່າກວ່າ 300 ລ້ານດົ່ງ; ຈັດຕັ້ງການກວດພະຍາດ ແລະແຈກຢາຍຢຸກຢາໂດຍບໍ່ເສຍຄ່າໃຫ້ແກ່ປະຊາຊົນທີ່ແມ່ນເປົ້າໝາຍນະໂຍບາຍໃນບໍລິເວນ.
ໂດຍ: ເຈິ່ນຮວ່ຽນ