ຫວຽດນາມ-ລາວ ດໍາເນີນການລາດຕະເວນສອງຝ່າຍ
ກປ.ອອນໄລ - ໃນລະຫວ່າງວັນທີ 29-30 ມິຖຸນາ, ຄ້າຍທະຫານຊາຍແດນແຮ້ງຢິກ, ກອງບັນຊາການທະຫານຊາຍແດນແຂວງເງະອານ ໄດ້ສົມທົບກັບກອງຮ້ອຍທະຫານຊາຍແດນ 216, ກອງບັນຊາການທະຫານແຂວງຫົວພັນ (ລາວ) ຈັດຕັ້ງການລາດຕະເວນສອງຝ່າຍກວດກາລະບົບເສັ້ນຊາຍແດນ, ຫຼັກໝາຍຊາຍແດນ ແລະປ້ອງກັນ, ຕ້ານພະຍາດໂຄວິດ-19.
ກໍາລັງສອງຝ່າຍໄດ້ດໍາເນີນການລາດຕະເວນເສັ້ນຊາຍແດນຫວຽດນາມ-ລາວ ຕອນແຕ່ຫຼັກໝາຍຊາຍແດນເລກທີ 371 ເຖິງຫຼັກໝາຍຊາຍແດນເລກທີ 372. ພາຍຫຼັງການລາດຕະເວນຮ່ວມເປັນເວລາ 5 ຊົ່ວໂມງ, ກໍາລັງສອງຝ່າຍໄດ້ແກ້ໄຂຄວາມຫຍຸ້ງຍາກກ່ຽວກັບສະພາບດິນຟ້າອາກາດແດດຮ້ອນ ແລະພູມີປະເທດທຸລະກັນດານເພື່ອດຳເນີນການກວດກາຫຼັກໝາຍຊາຍແດນ, ແລກປ່ຽນບັນດາເນື້ອໃນກ່ຽວຂ້ອງເຖິງວຽກງານປົກປັກຮັກສາຊາຍແດນ, ປ້ອງກັນ, ຕ້ານພະຍາດໂຄວິດ-19.
|
|
ຫົວໜ້າກອງລາດຕະເວນສອງຝ່າຍມອບບົດບັນທຶກຊ່ວຍຈໍາກ່ຽວກັບການລາດຕະເວນຮ່ວມ. ພາບ: truyenhinhnghean.vn. |
ຜ່ານການກວດກາເຫັນວ່າ, ເສັ້ນຊາຍແດນໄດ້ຮັບປະກັນສະພາບເດີ່ມ, ບໍ່ຖືກເຄື່ອນຍ້າຍ; ບໍ່ມີກໍລະນີລະເມີດກົດໝາຍ, ລະເມີດກົດລະບຽບຊາຍແດນ, ແຊກຊຶມ, ຂ້າມຊາຍແດນຢ່າງຜິດກົດໝາຍ. ນີ້ແມ່ນການເຄື່ອນໄຫວສົມທົບກັນລະຫວ່າງສອງກົມກອງເພື່ອແນໃສ່ປັບປຸງ ແລະເພີ່ມທະວີການຮ່ວມມືກ່ຽວກັບການປົກປັກຮັກສາ, ຄຸ້ມຄອງຊາຍແດນ, ສ້າງເຂດຊາຍແດນແຫ່ງສັນຕິພາບ, ມິດຕະພາບ, ການຮ່ວມມື, ພ້ອມກັນພັດທະນາ ແລະສະກັດກັ້ນການແຊກຊຶມ, ຂ້າມຊາຍແດນຢ່າງຜິດກົດໝາຍ.
ໂດຍ: ຄໍາແພງ