ຄະນະປະຕິບັດງານໄປຢ້ຽມຢາມ, ອວຍພອນບຸນເຕັດທະຫານ ແລະປະຊາຊົນຢູ່ໝູ່ເກາະທາງທິດຕາເວັນຕົກສ່ຽງໃຕ້
ກປ.ອອນໄລ - ວັນທີ 29 ທັນວາ, ທະຫານເຮືອເຂດ 5, ກອງບັນຊາການທະຫານເຮືອເຂດ 5 ໄດ້ຈັດຕັ້ງຄະນະປະຕິບັດງານໄປຢ້ຽມຢາມ, ອວຍພອນບຸນເຕັດ, ມອບຂອງຂວັນໃຫ້ບັນດາພະນັກງານ, ນັກຮົບ ແລະປະຊາຊົນທີ່ດໍາລົງຊີວິດ ແລະເຮັດວຽກຢູ່ໝູ່ເກາະທາງທິດຕາເວັນຕົກສ່ຽງໃຕ້ຂອງປະເທດຊາດເນື່ອງໃນໂອກາດບຸນປີໃໝ່ປະຈຳຊາດປີຊວດ 2020.
ໄປຢ້ຽມຢາມ, ອວຍພອນບຸນເຕັດພະນັກງານ, ນັກຮົບ ແລະປະຊາຊົນທີ່ດໍາລົງຊີວິດ ແລະເຮັດວຽກຢູ່ໝູ່ເກາະທາງທິດຕາເວັນຕົກສ່ຽງໃຕ້ຂອງປະເທດຊາດແມ່ນມູນເຊື້ອອັນດີງາມ ເຊິ່ງເຫຼົ່າທັບເຮືອໄດ້ຈັດຕັ້ງໃນແຕ່ລະປີເນື່ອງໃນໂອກາດບຸນເຕັດ, ລະດູບານໃໝ່ວຽນມາ.
    |
 |
|
ຜູ້ຕາງໜ້າທະຫານເຮືອເຂດ 5 ຮັບຂອງຂວັນຂອງບັນດາແຂວງ, ນະຄອນທາງພາກໃຕ້ມອບໃຫ້ກົມກອງ. ພາບ: qdnd.vn. |
|
|
 |
|
ຜູ້ຕາງໜ້າບັນດາແຂວງ, ນະຄອນທາງພາກໃຕ້ມອບຂອງຂວັນ, ລະດົມກໍາລັງໃຈບັນດາອົງການ, ກົມກອງທະຫານເຮືອເຂດ 5. ພາບ: qdnd.vn. |
ປີນີ້, ໂດຍໄດ້ຮັບການຕົກລົງຈາກກອງບັນຊາການເຫຼົ່າທັບເຮືອ, ກອງບັນຊາການທະຫານເຮືອເຂດ 5 ໄດ້ຈັດຕັ້ງຄະນະປະຕິບັດງານດ້ວຍການເຂົ້າຮ່ວມຂອງຜູ້ຕາງໜ້າບາງກົມກອງທີ່ຕັ້ງທັບຢູ່ໃນບໍລິເວນ ແລະອໍານາດການປົກຄອງທຸກຂັ້ນຂອງ 9 ແຂວງ, ນະຄອນທາງພາກໃຕ້, ວິສາຫະກິດຂັ້ນສູນກາງ, ຄະນະບໍລິຫານງານຊາວໜຸ່ມກອມມູນິດໂຮ່ຈີມິນ, ນັກຂ່າວຕາງໜ້າບັນດາອົງການສື່ມວນຊົນ, ສະຖານີໂທລະພາບທົ່ວປະເທດ. ໃນການເດີນທາງ, ຄະນະປະຕິບັດງານຈະໄປຢ້ຽມຢາມທະຫານ ແລະປະຊາຊົນຢູ່ໝູ່ເກາະສັງກັດເຂດທະເລທາງທິດຕາເວັນຕົກສ່ຽງໃຕ້ຂອງປະເທດຊາດ, ປະກອບສ່ວນລະດົມກໍາລັງໃຈທະຫານ ແລະປະຊາຊົນຢູ່ໝູ່ເກາະເຫຼົ່ານັ້ນ ໃຫ້ມີຄວາມອຸ່ນອ່ຽນໃຈປະຕິບັດງານ, ດໍາລົງຊີວິດ, ປົກປັກຮັກສາອະທິປະໄຕເຂດທະເລ, ໝູ່ເກາະໄວ້ໃຫ້ໝັ້ນຄົງ ແລະຕ້ອນຮັບບຸນປີໃໝ່ປະຈໍາຊາດຢ່າງມີຄວາມເບີກບານມ່ວນຊື່ນ, ອົບອຸ່ນ ແລະມີຄວາມຜາສຸກ.
ໂດຍ: ທະນາພອນ