ທີ່ກອງປະຊຸມ, ຕໍາຫຼວດແຂວງເຊີນລາ ພ້ອມກັບກອງບັນຊາການປ້ອງກັນຄວາມສະຫງົບແຂວງຫຼວງພະບາງ, ແຂວງບໍ່ແກ້ວ ໄດ້້ພ້ອມກັນເຫັນດີເປັນເອກະພາບຕີລາຄາ, ແລກປ່ຽນວຽກງານຮັບປະກັນຄວາມໝັ້ນຄົງ-ຄວາມເປັນລະບຽບຮຽບຮ້ອຍຂອງບັນດາຝ່າຍແຕ່ຕົ້ນປີ 2019 ມາຮອດປະຈຸບັນ; ພ້ອມກັນແລກປ່ຽນບົດຮຽນກ່ຽວກັບບາງບັນຫາທີ່ກ່ຽວຂ້ອງເຖິງວຽກງານຮັບປະກັນຄວາມໝັ້ນຄົງ-ຄວາມເປັນລະບຽບຮຽບຮ້ອຍ, ຄື: ວຽກງານຕໍ່ສູ້ຕ້ານ, ສະກັດກັ້ນອາດຊະຍາກໍາຢາເສບຕິດ, ອາດຊະຍາກໍາອາຍາ, ອາດຊະຍາກໍາຄ້າຂາຍມະນຸດ; ສະພາບການຄົນອົບພະຍົບເສລີ, ເຜີຍແຜ່ສາສະໜາຜິດກົດໝາຍ ແລະວຽກງານຮັບປະກັນຄວາມໝັ້ນຄົງຢູ່ຊາຍແດນ...

leftcenterrightdel
ຕໍາຫຼວດແຂວງເຊີນລາ ແລະກອງບັນຊາການປ້ອງກັນຄວາມສະຫງົບແຂວງບໍ່ແກ້ວ ແລກປ່ຽນບົດບັນທຶກການພົບປະເຈລະຈາ. ພາບ: ຈູງຮ໊ຽວ.

ຜ່ານການຢ້ຽມຢາມ, ເຮັດວຽກຄັ້ງນີ້ໄດ້ຊ່ວຍໃຫ້ພະນັກງານລະຫວ່າງຕໍາຫຼວດແຂວງເຊີນລາ ກັບກອງບັນຊາການປ້ອງກັນຄວາມສະຫງົບແຂວງຫຼວງພະບາງ, ແຂວງບໍ່ແກ້ວ ມີໂອກາດພົບປະແລກປ່ຽນ, ແລກປ່ຽນບົດຮຽນ, ຊ່ວຍເຫຼືອເຊິ່ງກັນ ແລະກັນໃນວຽກງານວິຊາສະເພາະ, ສົມທົບກັນໃນວຽກງານສະກັດກັ້ນ ແລະຕ້ານອາດຊະຍາກໍາປະເພດຕ່າງໆຢ່າງມີປະສິດທິຜົນກວ່າອີກ.

leftcenterrightdel
ຕໍາຫຼວດແຂວງເຊີນລາ ແລະກອງບັນຊາການປ້ອງກັນຄວາມສະຫງົບແຂວງຫຼວງພະບາງ ລົງນາມໃນບົດບັນທຶກການພົບປະເຈລະຈາ. ພາບ: ຈູງຮ໊ຽວ.

ຕໍາຫຼວດແຂວງເຊີນລາ ກັບກອງບັນຊາການປ້ອງກັນຄວາມສະຫງົບແຂວງຫຼວງພະບາງ, ແຂວງບໍ່ແກ້ວ ກໍ່ໄດ້ລົງນາມໃນບົດບັນທຶກການພົບປະເຈລະຈາຕີລາຄາສະພາບການວຽກງານສົມທົບກັນປີ 2019 ແລະທິດທາງໜ້າທີ່ປີ 2020.

ໂດຍ: ທະນາພອນ