ຄ້າຍທະຫານຊາຍແດນເຫື໊ອງຟູ່ງ ສົມທົບກັບກອງຮ້ອຍ 321, ລາວ ດຳເນີນການລາດຕະເວນສອງຝ່າຍ
ກປ.ອອນໄລ - ວັນທີ 2 ກໍລະກົດ, ຄ້າຍທະຫານຊາຍແດນເຫື໊ອງຟູ່ງ, ກອງບັນຊາການທະຫານຊາຍແດນແຂວງກວ໋າງຈິ ໄດ້ດໍາເນີນການລາດຕະເວນສອງຝ່າຍກັບກອງຮ້ອຍ 312, ກອງບັນຊາການທະຫານແຂວງສະຫວັນນະເຂດ, ລາວ.
ເຖິງວ່າອາກາດບໍ່ສະດວກກໍ່ຕາມ, ແຕ່ພະນັກງານ, ນັກຮົບສອງກົມກອງຍັງຄົງຕັດສິນໃຈປະຕິບັດ ແລະປະຕິບັດສຳເລັດໜ້າທີ່ລາດຕະເວນ. ສອງກົມກອງໄດ້ດໍາເນີນການລາດຕະເວນຮ່ວມຢູ່ເສັ້ນຊາຍແດນແຕ່ຫຼັກໝາຍຊາຍແດນທີ 593 ຮອດຫຼັກໝາຍຊາຍແດນທີ 597, ມີລວງຍາວເກືອບ 10 ກິໂລແມັດ, ດ້ວຍ 5 ຫຼັກໝາຍແຫ່ງຊາດ. ກອງລາດຕະເວນໄດ້ການກວດກາເສັ້ນຊາຍແດນ ແລະສະພາບການຄວາມສະຫງົບ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ; ພ້ອມທັງຈັດຕັ້ງການຖາກຖາງເສັ້ນທາງລາດຕະເວນຊາຍແດນ, ທຳຄວາມສະອາດຢູ່ອ້ອມຮອບເຂດຫຼັກໝາຍ.
|
|
ສອງກົມກອງພົບປະກັນຢູ່ຫຼັກໝາຍກ່ອນທີ່ຈະດໍາເນີນການລາດຕະເວນສອງຝ່າຍ. ພາບ: baobienphong.com.vn. |
ຜ່ານການກວດກາ, ລະບົບເສັ້ນຊາຍແດນ, ຫຼັກໝາຍຊາຍແດນແຫ່ງຊາດ ລ້ວນແຕ່ຮັກສາສະພາບເດີມ, ບໍ່ຄົ້ນພົບບັນດາກໍລະນີລະເມີດສັນຍາວ່າດ້ວຍກົດລະບຽບຄຸ້ມຄອງຊາຍແດນ.
ສິ້ນສຸດການລາດຕະເວນ, ສອງກົມກອງໄດ້ດຳເນີນການຖອດຖອນບົດຮຽນ; ແລກປ່ຽນກ່ຽວກັບແຜນນະໂຍບາຍ, ວິທີການແກ້ໄຂ ແລະເຫັນດີເປັນເອກະພາບກັນກ່ຽວກັບເວລາໃຫ້ການລາດຕະເວນສອງຝ່າຍຄັ້ງຕໍ່ໄປ ແລະລົງນາມໃນບົດບັນທຶກຜົນຂອງການລາດຕະເວນສອງຝ່າຍ.
ໂດຍ: ຈາງຫງວຽນ