ຫວຽດນາມ-ລາວ ເພີ່ມທະວີການປົກປັກຮັກສາຊາຍແດນ
ກປ.ອອນໄລ - ໃນລະຫວ່າງວັນທີ 23 – 24 ມີນາ, ຄ້າຍທະຫານຊາຍແດນຈີເລ໊ (ທະຫານຊາຍແດນແຂວງເງະອານ, ຫວຽດນາມ), ທະຫານລາດຕາແສງຈີເລ໊, ເມືອງເກ໋ຟອງ ສົມທົບກັບກອງຮ້ອຍຊາຍແດນ 217 (ກອງບັນຊາການທະຫານແຂວງຫົວພັນ, ລາວ), ທະຫານລາດບ້ານແດນດິນ, ກຸ່ມບ້ານພັນທອງ, ເມືອງກວັນ, ລາວ ໄດ້ຈັດຕັ້ງການລາດຕະເວນສອງຝ່າຍຢູ່ເສັ້ນຊາຍແດນທີ່ສອງກົມກອງຮັບຜິດຊອບຄຸ້ມຄອງ, ປົກປັກຮັກສາ.
ການລາດຕະເວນສອງຝ່າຍຄັ້ງນີ້, ສອງຝ່າຍໄດ້ຈັດຕັ້ງການລາດຕະເວນຢູ່ເສັ້ນຊາຍແດນລວມແຕ່ຫຼັກໝາຍເລກທີ 376 ເຖິງຫຼັກໝາຍເລກທີ 377. ສອງຝ່າຍໄດ້ປະຕິບັດໃຫ້ຖືກຕ້ອງຕາມຫຼັກການ, ພິທີການ, ລະບຽບການໃນການເຄື່ອນໄຫວພົວພັນຕ່າງປະເທດຊາຍແດນ.
|
|
ການເຄື່ອນໄຫວລາດຕະເວນສອງຝ່າຍປະກອບສ່ວນປັບປຸງສາຍພົວພັນມິດຕະພາບແບບພິເສດຫວຽດນາມ-ລາວ. ພາບ: ຮຸ່ງຟອງ. |
ນີ້ແມ່ນການເຄື່ອນໄຫວເປັນປະຈຳ ເພື່ອແນໃສ່ຄົ້ນພົບບັນດາເຫດທີ່ລະເມີດກົດລະບຽບຊາຍແດນ, ແກ້ໄຂບັນດາເຫດທີ່ເກີດຂຶ້ນຢູ່ເສັ້ນຊາຍແດນຢ່າງທັນການ; ສົມທົບກັນປົກປັກຮັກສາເສັ້ນຊາຍແດນລວມ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເສັ້ນຊາຍແດນໃຫ້ເປັນປົກກະຕິ.
ສິ້ນສຸດການລາດຕະເວນຄັ້ງນີ້, ສອງຝ່າຍໄດ້ຈັດຕັ້ງການຖອດຖອນບົດຮຽນ, ລົງນາມໃນບົດບັນທຶກຮັບຮູ້ໝາກຜົນຂອງວຽກງານຄຸ້ມຄອງ, ປົກປັກຮັກສາຊາຍແດນໃນໄລຍະຜ່ານມາ, ວາງອອກແຜນນະໂຍບາຍ, ມາດຕະການ ແລະຕົກລົງກັນກ່ຽວກັບເວລາ, ຈຳນວນພົນໃຫ້ແກ່ການລາດຕະເວນສອງຝ່າຍໃນຄັ້ງຕໍ່ໄປ.
ໂດຍ: ໄຊນີດາ