ການເຈລະຈາດ້ານການເມືອງ-ການປ້ອງກັນຊາດ-ປ້ອງກັນຄວາມສະຫງົບລະຫວ່າງຫວຽດນາມ-ອາເມລິກາ ຄັ້ງທີ 11
ກປ.ອອນໄລ - ວັນທີ 23 ກັນຍາ, ທ່ານ ຫງວຽນມິງຫວູ, ຮອງລັດຖະມົນຕີກະຊວງການຕ່າງປະເທດຫວຽດນາມ ແລະທ່ານ R. Clark Cooper, ຜູ້ຊ່ວຍລັດຖະມົນຕີການຕ່າງປະເທດອາເມລິກາ ຮັບຜິດຊອບບັນຫາການເມືອງ-ການທະຫານ ໄດ້ມີການປະຊຸມທາງໄກ ເພຶື່ອປຶກສາຫາລືກ່ຽວກັບການຮ່ວມມືດ້ານປ້ອງກັນຄວາມສະຫງົບທີ່ການເຈລະຈາດ້ານການເມືອງ-ການປ້ອງກັນຊາດ-ປ້ອງກັນຄວາມສະຫງົບລະຫວ່າງຫວຽດນາມ-ອາເມລິກາ ຄັ້ງທີ 11.
ກອງປະຊຸມຄັ້ງນີ້ໄດ້ເພີ່ມທະວີສາຍພົວພັນສອງຝ່າຍກວ່າອີກ, ພ້ອມທັງສ່ອງແສງຄໍາໝັ້ນສັນຍາລວມຂອງສອງປະເທດກ່ຽວກັບພາກພື້ນມະຫາສະໝຸດອິນເດຍ-ປາຊີຟິກ ແຫ່ງເສລີພາບ, ເອກະລາດ ແລະເປີດກວ້າງ.
|
|
ທ່ານ ຫງວຽນມິງຫວູ ຮອງລັດຖະມົນຕີກະຊວງການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ. |
ບັນດາຫົວຂໍ້ ເຊິ່ງສອງຝ່າຍປຶກສາຫາລືລວມມີການຮ່ວມມືດ້ານການປ້ອງກັນຄວາມສະຫງົບ ແລະການຄ້າ, ການປ້ອງກັນຊາດ; ຄວາມໝັ້ນຄົງໃນການເດີນທະເລ; ຮັກສາສັນຕິພາບ, ຊຸກຍູ້ບັນດາຄວາມມານະພະຍາຍາມສາກົນກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ. ບັນຫາມະນຸດສະທໍາ, ລວມມີເລື່ອງຊອກຫາຊະເລີຍເສິກ/ທະຫານອາເມລິກາທີ່ຫາຍສາບສູນໃນຂະນະປະຕິບັດໜ້າທີ່ເກັບກູ້ ແລະທໍາລາຍລະເບີດບໍ່ທັນແຕກຫຼັງສົງຄາມ.
ໂດຍ: ທູຈາງ