ເພີ່ມທະວີການຮ່ວມມືດ້ານປ້ອງກັນຊາດລະຫວ່າງຫວຽດນາມ ກັບສ.ເກົາຫຼີ, ອິນເດຍ
ກປ.ອອນໄລ - ວັນທີ 6 ກໍລະກົດ, ຢູ່ຮ່າໂນ້ຍ, ທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມີການສົນທະນາທາງໂທລະສັບກັບທ່ານ Park Jae-min ຮອງລັດຖະມົນຕີກະຊວງປ້ອງກັນປະເທດສ.ເກົາຫຼີ ແລະທ່ານ Ajay Kumar ເລຂາກະຊວງປ້ອງກັນປະເທດອິນເດຍ.
    |
 |
|
ທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ທີ່ການສົນທະນາທາງໂທລະສັບກັບທ່ານ Park Jae-min ຮອງລັດຖະມົນຕີກະຊວງປ້ອງກັນປະເທດສ.ເກົາຫຼີ. ພາບ: ຟ້າມຮ໊ຽວ. |
ທີ່ການສົນທະນາທາງໂທລະສັບຕ່າງໆ, ທ່ານພົນໂທ ຫງວຽນຈີ໊ວິ້ງ ເນັ້ນໜັກວ່າ ຫວຽດນາມ ບັນລຸໄດ້ບັນດາຜົນງານໃນການຄວບຄຸມພະຍາດໂຄວິດ-19 ຄືປະຈຸບັນແມ່ນຍ້ອນມີການເຂົ້າຮ່ວມຂອງທັງລະບົບການເມືອງ, ການຊີ້ນໍາຢ່າງຂ້ຽວຂາດຂອງລັດຖະບານ, ການເຂົ້າຮ່ວມຂອງບັນດາກະກວງ, ຂະແໜງການ, ທ້ອງຖິ່ນ, ໃນນັ້ນກອງທັບປະຊາຊົນຫວຽດນາມ ແມ່ນກໍາລັງມີບົດບາດເປັນເຈົ້າການ, ຕັ້ງໜ້າ. ຫວຽດນາມ ແບ່ງປັນຄວາມຫຍຸ້ງຍາກຍ້ອນພະຍາດໂຄວິດ-19 ກໍ່ຂຶ້ນໃຫ້ແກ່ປະຊາຊົນສ.ເກົາຫຼີ ແລະອິນເດຍ, ສະແດງຄວາມເຊື່ອໝັ້ນວ່າສອງປະເທດຈະຍູ້ພະຍາດໂຄວິດ-19 ໃຫ້ຖອຍໄປໂດຍໄວ. ທ່ານພົນໂທ ຫງວຽນຈີ໊ວິ້ງ ຢັ້ງຢືນວ່າ ຫວຽດນາມ ຕັດສິນໃຈບໍ່ປະໃຫ້ພະຍາດໂຄວິດ-19 ສົ່ງຜົນສະທ້ອນເຖິງການເຄື່ອນໄຫວລວມຂອງປະເທດ, ໃນນັ້ນມີການຮ່ວມມືດ້ານປ້ອງກັນຊາດ.
ສ່ວນທ່ານ Park Jae-min ແລະທ່ານ Ajay Kumar ຕີລາຄາສູງຄວາມມານະພະຍາຍາມຂອງຫວຽດນາມ, ເປັນຕົ້ນແມ່ນບັນດາການປະກອບສ່ວນຂອງກອງທັບປະຊາຊົນຫວຽດນາມ, ໃນວຽກງານປ້ອງກັນ, ຕ້ານພະຍາດໂຄວິດ-19, ໃຫ້ຂໍ້ສັງເກດວ່າ ຫວຽດນາມ ໄດ້ຮັບຜົນສໍາເລັດຄືດັ່ງກ່າວແມ່ນຍ້ອນນໍາໃຊ້ວິທີການສຳຜັດຮອບດ້ານ, ທົ່ວປະເທດຢ່າງມີປະສິດທິຜົນ.
|
|
 |
|
ບັນຍາກາດທີ່ການສົນທະນາທາງໂທລະສັບລະຫວ່າງທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານ Ajay Kumar ເລຂາກະຊວງປ້ອງກັນປະເທດອິນເດຍ. ພາບ: ຟ້າມຮ໊ຽວ. |
ເນື່ອງໃນໂອກາດນີ້, ທ່ານພົນໂທ ຫງວຽນຈີ໊ວິ້ງ ພ້ອມກັບຄູ່ຕໍາແໜ່ງສອງທ່ານໄດ້ຕີລາຄາໝາກຜົນການຮ່ວມມືດ້ານປ້ອງກັນຊາດສອງຝ່າຍໃນໄລຍະຜ່ານມາ ແລະເຫັນດີເປັນເອກະພາບຕໍ່ທິດທາງໃນໄລຍະຈະມາເຖິງ; ຢັ້ງຢືນຄວາມຕັດສິນໃຈບໍ່ປະໃຫ້ພະຍາດໂຄວິດ-19 ສົ່ງຜົນສະທ້ອນເຖິງການຮ່ວມມືດ້ານປ້ອງກັນຊາດທີ່ພວມໃນທ່າພັດທະນາລະຫວ່າງຫວຽດນາມ ກັບສ.ເກົາຫຼີ ແລະອິນເດຍ.
ກ່ຽວກັບການຮ່ວມມືສອງຝ່າຍກັບສ.ເກົາຫຼີ, ສອງຝ່າຍເຫັນດີເປັນເອກະພາບຜັນຂະຫຍາຍປະສິດທິຜົນບັນດາຄໍາໝັ້ນສັນຍາລະຫວ່າງສອງກະຊວງປ້ອງກັນປະເທດໃນບັນດາຂົງເຂດ, ຄື: ແລກປ່ຽນຄະນະຜູ້ແທນທຸກຂັ້ນ, ການຮັກສາສັນຕິພາບສະຫະປະຊາຊາດ, ແກ້ໄຂຜົນຮ້າຍຢ້ອນຫຼັງຈາກສົງຄາມ...
ກ່ຽວກັບການຮ່ວມມືສອງຝ່າຍກັບອິນເດຍ, ສອງຝ່າຍຕີລາຄາການຮ່ວມມືດ້ານປ້ອງກັນຊາດແມ່ນເສົາຄໍ້າສໍາຄັນໃນສາຍພົວພັນມິດຕະພາບທີ່ເປັນມູນເຊື້ອ ແລະຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ ແລະອິນເດຍ; ເຫັນດີເປັນເອກະພາບສືບຕໍ່ເພີ່ມທະວີການພົວພັນຮ່ວມມືໃນຫຼາຍຂົງເຂດ, ໃນນັ້ນມີເສນາຮັກ, ການຮັກສາສັນຕິພາບສະຫະປະຊາຊາດ, ອຸດສາຫະກໍາປ້ອງກັນຊາດ, ກໍ່ສ້າງ...
ໂດຍ: ເຈິ່ນຮວ່ຽນ