ກອງບັນຊາການທະຫານແຂວງບ່າເຣ້ຍ-ຫວູງເຕົາ ເຊັນສັນຍາຮ່ວມມືກັບກອງບັນຊາການທະຫານ Preah Vihear
ກປ.ອອນໄລ - ວັນທີ 18 ມັງກອນ, ກອງບັນຊາການທະຫານແຂວງບ່າເຣ້ຍ-ຫວູງເຕົາ ໄດ້ຈັດຕັ້ງກອງປະຊຸມສະຫຼຸບວຽກງານແຮກສ່ຽວປີ 2019 ກັບກອງບັນຊາການທະຫານ Preah Vihear (ສັງກັດທະຫານເຂດ 4, ກອງທັບລາດຊະວົງກໍາປູເຈຍ).
ໃນປີຜ່ານມາ, ວຽກງານສົມທົບກັນລະຫວ່າງສອງກົມກອງບັນລຸໄດ້ໝາກຜົນຢ່າງຕັ້ງໜ້າດ້ວຍຫຼາຍກິດຈະກໍາຄື: ການໂອ້ລົມສົນທະນາ, ການພົບປະແລກປ່ຽນ; ການຢ້ຽມຢາມ, ມອບຂອງຂວັນເນື່ອງໃນບັນດາເຫດການສໍາຄັນຂອງສອງຊາດ...
|
|
ຜູ້ຕາງໜ້າກອງບັນຊາການທະຫານແຂວງບ່າເຣ້ຍ-ຫວູງເຕົາ ແລະກອງບັນຊາການທະຫານ Preah Vihear ລົງນາມໃນສັນຍາຮ່ວມມືແຮກສ່ຽວ. ພາບ: baobariavungtau.com.vn |
ທີ່ກອງປະຊຸມໄດ້ດໍາເນີນພິທີລົງນາມສັນຍາຮ່ວມມືລະຫວ່າງກອງບັນຊາການທະຫານແຂວງບ່າເຣ້ຍ-ຫວູງເຕົາ ກັບກອງບັນຊາການທະຫານ Preah Vihear ແລະລະຫວ່າງ 5 ກອງບັນຊາການທະຫານຂັ້ນເມືອງກັບ 5 ກອງບັນຊາການທະຫານຂັ້ນເມືອງສັງກັດກອງບັນຊາການທະຫານ Preah Vihear. ຕາມນັ້ນແລ້ວ, ບັນດາຝ່າຍຈະຍູ້ແຮງການເຄື່ອນໄຫວພົບປະແລກປ່ຽນ, ການແຮກສ່ຽວ, ການຊ່ວຍເຫຼືອເຊິ່ງກັນ ແລະກັນໃນການປະຕິບັດໜ້າທີ່... ເຫດການນີ້ປະກອບສ່ວນຮັດແໜ້ນສາຍພົວພັນມິດຕະພາບ, ການຮ່ວມມືອັນດີງາມລະຫວ່າງຫວຽດນາມ-ກໍາປູເຈຍ ແລະກໍາລັງປະກອບອາວຸດສອງປະເທດ.
ໂດຍ: ທະນາພອນ