ການເຄື່ອນໄຫວຂອງທ່ານພົນໂທ ຟານວັນຢາງ ໃນການຢ້ຽມຢາມ ສ.ອິນເດຍ ຢ່າງເປັນທາງການ

29 ພະຈິກ 2019 20:31

ກປ.ອອນໄລ - ໂດຍຕອບສະໜອງຕາມຄໍາເຊີນຂອງທ່ານພົນເອກ Bipin Rawat, ປະທານຄະນະກໍາມະການເສນາທິການໃຫຍ່ອິນເດຍ, ໃນລະຫວ່າງວັນທີ 24-28 ພະຈິກ, ທ່ານພົນໂທ ຟານວັນຢາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໄປຢ້ຽມຢາມ ສ.ອິນເດຍ ຢ່າງເປັນທາງການ.

ດ້ວຍການເຄື່ອນໄຫວທີ່ມີຄວາມໝາຍຫຼາຍຢ່າງ, ການຢ້ຽມຢາມໄດ້ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ການຮ່ວມມືລະຫວ່າງສອງປະເທດ, ສົມເປັນເສົາຄໍ້າໃນສາຍພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ອິນເດຍ ເຊິ່ງການນໍາຂັ້ນສູງສອງປະເທດໄດ້ກຳນົດໄວ້. ໜັງສືພິມກອງທັບປະຊາຊົນຫວຽດນາມ ຂໍແນະນໍາເຖິງເພື່ອນຜູ້ອ່ານບາງຮູບພາບກ່ຽວກັບການເຄື່ອນໄຫວຂອງທ່ານພົນໂທ ຟານວັນຢາງ ຢູ່ ສ.ອິນເດຍ.

ທ່ານພົນໂທ ຟານວັນຢາງ ກວດແຖວກຽດຕິຍົດທີ່ພິທີຕ້ອນຮັບຢ່າງເປັນທາງການຢູ່ສໍານັກງານກະຊວງປ້ອງກັນປະເທດອິນເດຍ ໂດຍທ່ານພົນເອກ Bipin Rawat ເປັນປະທານ. ພາບ: qdnd.vn.

ທ່ານພົນໂທ ຟານວັນຢາງ ແລະທ່ານພົນເອກ Bipin Rawat ທີ່ການພົບປະວົງແຄບ ແລະການພົບປະເຈລະຈາ. ພາບ: qdnd.vn.

ທ່ານພົນໂທ ຟານວັນຢາງ ແລະທ່ານ Rajnath Singh ລັດຖະມົນຕີກະຊວງປ້ອງກັນປະເທດອິນເດຍ ເປັນສັກຂີພິຍານພິທີລົງນາມໃນສັນຍາຮ່ວມມືລະຫວ່າງສະຖາບັນຍຸດທະສາດປ້ອງກັນຊາດຫວຽດນາມ ແລະສູນຄົ້ນຄວ້າສົງຄາມທະຫານບົກອິນເດຍ. ພາບ: qdnd.vn.