ທ່ານພົນໂທ ຟານວັນຢາງ ລະດົມກໍາລັງໃຈ, ອວຍພອນຜົນງານຂອງທີມລົດຕັງຫວຽດນາມ
ກປ.ອອນໄລ - ໃນຂອບເຂດການຢ້ຽມຢາມສະຫະພັນລັດເຊຍ ຢ່າງເປັນທາງການ ແລະເຂົ້າຮ່ວມພິທີປິດງານແຂ່ງຂັນກິລາການທະຫານສາກົນ (Army Games 2019), ວັນທີ 15 ສິງຫາ, ທ່ານພົນໂທ ຟານວັນຢາງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມາຊົມ, ລະດົມກໍາລັງໃຈທີມລົດຕັງກອງທັບປະຊາຊົນຫວຽດນາມ ແຂ່ງຂັນຮອບຊີງຊະນະເລີດ Army Games 2019 ແລະອວຍພອນຜົນງານຂອງທີມ. ທີມລົດຕັງກອງທັບປະຊາຊົນຫວຽດນາມ ເຂົ້າຮ່ວມ Army Games 2019 ຖືກຈັດອັນດັບທີ 2 ໃນຮອບຊີງຊະນະເລີດຂອງກຸ່ມ 2 ລວມມີບັນດາທີມ: ຫວຽດນາມ, ອຸຊເບກິສຖານ, ກູບາ ແລະອູກັນດາ.
    |
 |
|
ທ່ານພົນໂທ ຟານວັນຢາງ ລະດົມກໍາລັງໃຈບັນດາທີມກອງທັບປະຊາຊົນຫວຽດນາມ ເຂົ້າຮ່ວມ Army Games 2019. ພາບ: qdnd.vn. |
ທ່ານພົນໂທ ຟານວັນຢາງ ຍ້ອງຍໍຊົມເຊີຍຕໍ່ຄວາມມານະພະຍາຍາມຂອງທີມລົດຕັງກອງທັບປະຊາຊົນຫວຽດນາມ. ທ່ານພົນໂທ ຟານວັນຢາງ ຕີລາຄາວ່າ, ເຖິງວ່າບັນດາພາຫະນະ, ອຸປະກອນການແຂ່ງຂັນ (ໂດຍປະເທດເຈົ້າພາບລັດເຊຍ ສະໜອງ) ມີບັນດາຄຸນປະໂຫຍດບໍ່ເປັນອັນໜຶ່ງອັນດຽວດ້ວຍການຝຶກແອບແຕ່ລະມື້ຢູ່ກົມກອງຮາກຖານກໍ່ຕາມ, ແຕ່ບັນດານັກກິລາບໍ່ຄຶດງໍ້ເຖິງວັນ ແລະຄືນ, ອົດທົນພະຍາຍາມຄົ້ນຄວ້າ, ຖອດຖອນບົດຮຽນນຳໃຊ້ພາຫະນະ, ເຕັກນິກແຂ່ງຂັນ, ມີຄວາມກ້າວໜ້າຢ່າງຈະແຈ້ງ, ບັນລຸໄດ້ຜົນງານດີເດັ່ນ.
|
|
 |
|
ທ່ານພົນໂທ ຟານວັນຢາງ ໄປຢ້ຽມຢາມຮ້ານວາງສະແດງຂອງ ຫວຽດນາມ ໃນຫໍມິດຕະພາບ. ພາບ: qdnd.vn. |
ຫຼັງຈາກນັ້ນ, ທ່ານພົນໂທ ຟານວັນຢາງ ໄດ້ໄປຢ້ຽມຢາມຫໍມິດຕະພາບຢູ່ສະໜາມຝຶກຊ້ອມ Alabino (ສະຫະພັນລັດເຊຍ) ແລະມາລະດົມກໍາລັງໃຈທີມແຕ່ງກິນກອງທັບປະຊາຊົນຫວຽດນາມ. ຕອນເຊົ້າວັນດຽວກັນ, ທ່ານພົນໂທ ຟານວັນຢາງ ແລະຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໄດ້ໄປວາງພວງມາລາທີ່ອະນຸສາວະລີປະທານໂຮ່ຈີມິນ ຢູ່ນະຄອນຫຼວງມົດສະກູ.
ໂດຍ: ເຈິ່ນຮວ່ຽນ