ເພີ່ມທະວີການຮ່ວມມືລະຫວ່າງກອງທັບ ແລະທະຫານເຮືອ ຫວຽດນາມ - ຈີນ
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານພົນຕີ Qin Shengxiang ຫົວໜ້າການເມືອງທະຫານເຮືອ ກອງທັບປົດປ່ອຍປະຊາຊົນຈີນ (PLAN), ຄະນະພະນັກງານຂັ້ນສູງທະຫານເຮືອປະຊາຊົນຫວຽດນາມ ນໍາໂດຍທ່ານພົນເຮືອຈັດຕະວາ ຟ້າມວັນຫວືງ, ເລຂາຄະນະພັກ, ຫົວໜ້າການເມືອງເຫຼົ່າທັບເຮືອ ພ້ອມຄະນະ ໄດ້ເດີນທາງໄປຢ້ຽມຢາມ ແລະເຮັດວຽກຢູ່ ຈີນ ໃນລະຫວ່າງວັນທີ 11 – 15 ມິຖຸນາ.
|
|
ທ່ານພົນໂທ Miao Hua ຕ້ອນຮັບທ່ານພົນເຮືອຈັດຕະວາ ຟ້າມວັນຫວືງ ແລະຄະນະພະນັກງານຂັ້ນສູງທະຫານເຮືອປະຊາຊົນຫວຽດນາມ. ພາບ: vietnamplus.vn |
ໃນໄລຍະຢູ່ຢ້ຽມຢາມ, ຄະນະໄດ້ເຂົ້າຢ້ຽມຂໍ່ານັບທ່ານພົນໂທ Miao Hua, ຫົວໜ້າກົມວຽກງານການເມືອງ ຄະນະພັກການທະຫານສູນກາງ ຈີນ; ເຈລະຈາ ກັບທ່ານພົນຕີ Qin Shengxiang ຫົວໜ້າການເມືອງທະຫານເຮືອ ກອງທັບປົດປ່ອຍປະຊາຊົນ ຈີນ, ຢ້ຽມຢາມກໍາປັ່ນຂັບໄລ່ 119… ແລະຮັບຟັງແນະນໍາກ່ຽວກັບການດໍາເນີນວຽກງານພັກ, ວຽກງານການເມືອງຂອງທະຫານເຮືອກອງທັບປົດປ່ອຍປະຊາຊົນຈີນ...
|
|
ທ່ານພົນຕີ Qin Shengxiang ຕ້ອນຮັບທ່ານພົນເຮືອຈັດຕະວາ ຟ້າມວັນຫວືງ. ພາບ: vietnamplus.vn |
ທີ່ການເຈລະຈາກັບທ່ານພົນຕີ Qin Shengxiang, ຕາງໜ້າທະຫານເຮືອປະຊາຊົນຫວຽດນາມ, ທ່ານພົນເຮືອຈັດຕະວາ ຟ້າມວັນຫວືງ ໄດ້ເຊື້ອເຊີນທະຫານເຮືອ ກອງທັບປົດປ່ອຍປະຊາຊົນຈີນ ສົ່ງຄະນະ ແລະກໍາປັ່ນເຂົ້າຮ່ວມການສວນສະໜາມທະຫານເຮືອສາກົນ, ກອງປະຊຸມສໍາມະນາຄວາມໝັ້ນຄົງໃນການເດີນເຮືອສາກົນ ແລະບັນດາການເຄື່ອນໄຫວຢູ່ນອກກອງປະຊຸມ ໂດຍ ທະຫານເຮືອປະຊາຊົນຫວຽດນາມ ຈັດຕັ້ງໃນປີທີ່ຫວຽດນາມ ເປັນປະທານອາຊຽນ ໃນປີ 2020.
|
|
ບັນຍາກາດທີ່ການເຈລະຈາລະຫວ່າງທ່ານພົນເຮືອຈັດຕະວາ ຟ້າມວັນຫວືງ ກັບທ່ານພົນຕີ Qin Shengxiang. ພາບ: vietnamplus.vn |
ສອງຝ່າຍເຫັນດີເປັນເອກະສັນເພີ່ມທະວີການພົວພັນຮ່ວມມືລະຫວ່າງກອງທັບ ແລະທະຫານເຮືອສອງປະເທດ, ແກ້ໄຂບັນດາຄວາມບໍ່ລົງລອຍກັນບົນພື້ນຖານຄວາມຮັບຮູ້ລວມຂອງການນໍາຂັ້ນສູງຂອງພັກ, ລັດ ແລະກອງທັບສອງປະເທດ ທີ່ໄດ້ກໍານົດເປັນຢ່າງດີ; ຮັກສາຄວາມໝັ້ນຄົງ, ຄວາມປອດໄພ ແລະສັນຕິພາບ, ສະຖຽນລະພາບຢູ່ພາກພື້ນເປັນຢ່າງດີ.
ໂດຍ: ກວຽດເຕິມ