ການເຄື່ອນໄຫວຂອງທ່ານພົນເອກ ໂງຊວນລິກ ໃນການຢ້ຽມຢາມການາດາ

13 ພຶດສະພາ 2019 20:49

ກປ.ອອນໄລ - ການຢ້ຽມຢາມການາດາ ຢ່າງເປັນທາງການຄັ້ງນີ້ຂອງທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ສໍາເລັດຢ່າງຈົບງາມດ້ວຍບັນດາການເຄື່ອນໄຫວທີ່ແທດຈິງ ເພື່ອຊຸກຍູ້ການພົວພັນຮ່ວມມື, ມິດຕະພາບ, ຄວາມໄວ້ເນື້ອເຊື່ອໃຈລະຫວ່າງກະຊວງປ້ອງກັນປະເທດຫວຽດນາມ ກັບກະຊວງປ້ອງກັນປະເທດການາດາ, ປະກອບສ່ວນເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ-ການາດາ ອຸດົມສົມບຸນກວ່າອີກ.

ເລື່ອງລົງນາມໃນບົດບັນທຶກຊ່ວຍຈໍາລະຫວ່າງກະຊວງປ້ອງກັນປະເທດຫວຽດນາມ ແລະກະຊວງປ້ອງກັນປະເທດ, ກໍາລັງປະກອບອາວຸດການາດາ ກ່ຽວກັບການຮ່ວມມືດ້ານປ້ອງກັນຊາດ ຈະສ້າງພື້ນຖານນິຕິກຳເພື່ອຊຸກຍູ້ບັນດາຂົງເຂດທີ່ມີຄວາມສາມາດບົ່ມຊ້ອນດ້ານປ້ອງກັນຊາດລະຫວ່າງສອງປະເທດ.

ໜັງສືພິມກອງທັບປະຊາຊົນຫວຽດນາມ ຂໍແນະນໍາເຖິງເພື່ອນຜູ້ອ່ານບາງຮູບພາບກ່ຽວກັບການເຄື່ອນໄຫວຂອງທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ.

ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານ Harjit Singh Sajjan ລັດຖະມົນຕີກະຊວງປ້ອງກັນປະເທດການາດາ ກວດແຖວກຽດຕິຍົດທີ່ພິທີຕ້ອນຮັບຢູ່ນະຄອນຫຼວງ Ottawa ຢ່າງເປັນທາງການ. ພາບ: qdnd.vn.

ລັດຖະມົນຕີສອງທ່ານ ໄດ້ລົງນາມໃນບົດບັນທຶກຊ່ວຍຈໍາກ່ຽວກັບການຮ່ວມມືດ້ານປ້ອງກັນຊາດ. ພາບ: qdnd.vn.

ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ຕ້ອນຮັບທ່ານ David Morrison, ທີ່ປຶກສານະໂຍບາຍການພົວພັນຕ່າງປະເທດ ແລະປ້ອງກັນຊາດຂອງນາຍົກລັດຖະມົນຕີການາດາ. ພາບ: qdnd.vn.