leftcenterrightdel
 ທ່ານພົນເອກ ເລືອງເກື່ອງ ລົງຢ້ຽມຢາມ ແລະເຮັດວຽກຢູ່ກອງພົນໃຫຍ່ 4. ພາບ: qdnd.vn

ໃນ 9 ເດືອນຂອງປີ 2022, ຄະນະພັກ, ກອງບັນຊາການກອງພົນໃຫຍ່ 4, ຄະນະພັກ, ຜູ້ບັນຊາການທຸກຂັ້ນ ໄດ້ຊາບຊຶມ, ຜັນຂະຫຍາຍການຈັດຕັ້ງປະຕິບັດທຸກວຽກງານຢ່າງຄົບຊຸດ, ຮອບດ້ານ, ສຸມໃສ່ຊີ້ນຳນຳພາ, ປະຕິບັດສຳເລັດທຸກໜ້າທີ່, ໃນນັ້ນມີໜ້າທີ່ໄດ້ປະສົບຜົນສຳເລັດຢ່າງດີເດັ່ນ, ຄື: ກຽມພ້ອມສູ້ຮົບ, ຝຶກແອບ.

leftcenterrightdel
 ທ່ານພົນເອກ ເລືອງເກື່ອງ ກ່າວຄຳເຫັນທີ່ການເຮັດວຽກ. ພາບ: qdnd.vn

ກ່າວຄຳເຫັນທີ່ການເຮັດວຽກ, ທ່ານພົນເອກ ເລືອງເກື່ອງ ຮຽກຮ້ອງໃຫ້ຄະນະພັກ, ກອງບັນຊາການກອງພົນໃຫຍ່ 4 ສືບຕໍ່ຊີ້ນຳນຳພາກໍ່ສ້າງອົງການ, ກົມກອງຍົກສູງຄຸນນະພາບວຽກງານຝຶກແອບ, ກໍ່ສ້າງກຳລັງຫຼວງ, ປະຕິບັດລະບຽບວິໄນຢ່າງເຂັ້ມງວດ, ປະກອບສ່ວນກໍ່ສ້າງອົງຄະນະພັກກອງພົນໃຫຍ່ 4 ໃຫ້ປອດໃສ, ໝັ້ນຄົງເຂັ້ມແຂງ, ກອງພົນໃຫຍ່ໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ດີເດັ່ນ”.

ກອງພົນໃຫຍ່ ຄວນສຸມໃສ່ເຮັດວຽກງານການເມືອງ-ແນວຄິດເປັນຢ່າງດີ, ຍົກສູງຄຸນທາດການເມືອງໃຫ້ພະນັກງານ, ນັກຮົບ. ຖັນແຖວພະນັກງານຫຼັກແຫຼ່ງຄວນເປັນແບບຢ່າງ, ເສີມຂະຫຍາຍບົດບາດເປັນຕົວແບບ, ມີຄວາມຮັບຜິດຊອບສູງໃນການປະຕິບັດໜ້າທີ່. ພ້ອມທັງ, ເສີມຂະຫຍາຍປະສິດທິຜົນວຽກງານແຂ່ງຂັນ, ຍ້ອງຍໍຊົມເຊີຍ, ທະວີຄູນແບບຢ່າງທີ່ດີເດັ່ນ, ເອົາໃຈໃສ່ເຖິງຊີວິດທາງດ້ານວັດຖຸ ແລະຈິດໃຈຂອງພະນັກງານ, ນັກຮົບ, ສ້າງຄວາມສາມັກຄີພາຍໃນ ແລະເປັນເອກະພາບສູງ, ແຂ່ງຂັນປະຕິບັດສຳເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ.

ໂດຍ: ເຈິ່ນຮວ່ຽນ