ຄະນະປະຕິບັດງານກົມໃຫຍ່ການເມືອງກອງທັບປະຊາຊົນຫວຽດນາມ ຖະຫວາຍທູບທຽນອາໄລຫາ ປະທານໂຮ່ຈີມິນ
ກປ.ອອນໄລ - ໃນລາຍການປະຕິບັດງານຢູ່ເງະອານ, ຕອນບ່າຍວັນທີ 11 ສິງຫາ, ພົນໂທ ໂດ໊ກັນ, ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ພ້ອມກັບຄະນະຜູ້ແທນເຂົ້າຮ່ວມກອງປະຊຸມປະເມີນຜົນ 5 ປີແຫ່ງການປະຕິບັດກົດລະບຽບ, ຂໍ້ກຳນົດວຽກງານແຜນການ - ສັງລວມ ກ່ຽວກັບວຽກງານພັກ, ວຽກງານການເມືອງໃນກອງທັບປະຊາຊົນຫວຽດນາມ ໄດ້ມາເຂດປູຊະນີຍະສະຖານລະດັບຊາດພິເສດ ກິມລຽນ (ເມືອງນາມດ່ານ, ແຂວງເງະອານ) ຖະຫວາຍດອກໄມ້, ທູບທຽນອາໄລຫາ ປະທານໂຮ່ຈີມິນ.
ເຂົ້າຮ່ວມພ້ອມກັບຄະນະປະຕິບັດງານ ມີທ່ານພົນຕີ ເຈິ່ນຫວໍຢູງ, ເລຂາຄະນະພັກ, ຫົວໜ້າການເມືອງກອງບັນຊາການທະຫານເຂດ 4.
|
|
ຄະນະປະຕິບັດງານຖະຫວາຍດອກໄມ້, ທູບທຽນອາໄລຫາ ປະທານໂຮ່ຈີມິນ. ພາບ: ເຈີ່ນຢູງ. |
ໃນບັນຍາກາດສັກກະລະບູຊາ, ທ່ານພົນໂທ ໂດ໊ກັນ ພ້ອມກັບຄະນະຜູ້ແທນໄດ້ຖະຫວາຍທູບທຽນ ແລະກະຕ່າດອກໄມ້ຕໍ່ດວງວິນຍານຂອງປະທານໂຮ່ຈີມິນ, ສະແດງຄວາມຮູ້ບຸນຄຸນອັນລົ້ນເຫຼືອ ແລະຄວາມເຄົາລົບນັບຖືຢ່າງເລິກເຊິ່ງຕໍ່ກັບລຸງໂຮ່, ຜູ້ນຳຍິ່ງໃຫຍ່ຂອງພັກ ແລະປະຊາຊົນ, ຜູ້ເປັນພໍ່ບັນດາກຳລັງປະກອບອາວຸດຫວຽດນາມ, ວິລະຊົນປົດປ່ອຍຊາດ, ນັກວັດທະນະທຳທີ່ມີຊື່ສຽງຢູ່ໃນໂລກ.
|
|
ຄະນະປະຕິບັດງານອາໄລຫາປະທານໂຮ່ຈີມິນ. ພາບ: ເຈີ່ນຢູງ. |
|
|
ທ່ານພົນໂທ ໂດ໊ກັນ ຂຽນໃສ່ປຶ້ມອະນຸສອນຢູ່ເຂດປູຊະນີຍະສະຖານລະດັບຊາດພິເສດ ກິມລຽນ. ພາບ: ເຈີ່ນຢູງ. |
ປະທານໂຮ່ຈີມິນ ໄດ້ລ່ວງລັບໄປແລ້ວ ແຕ່ພາລະກິດອັນຍິ່ງໃຫຍ່, ແບບຢ່າງອັນສູງສົ່ງຂອງ ເພິ່ນ ຍັງຍືນຍົງຄົງຕົວຕະຫຼອດໄປກັບປະເທດຊາດ, ກອງທັບປະຊາຊົນຫວຽດນາມ. ແນວຄິດ, ຄຸນສົມບັດ, ແບບແຜນດຳລົງຊີວິດຂອງປະທານໂຮ່ຈີມິນ ຍາມໃດກໍ່ແມ່ນພື້ນຖານດ້ານແນວຄິດ, ເປັນເຂັມທິດໃຫ້ທຸກການກະທຳ, ເຍືອງທາງໃຫ້ການປະຕິວັດຫວຽດນາມ ໄດ້ຮັບໄຊຊະນະ.
ໂດຍ: ແສງເດືອນ