leftcenterrightdel
ພົນໂທ ຫງວຽນເຕິນເກືອງ ຢ້ຽມຢາມ ແລະເຮັດວຽກຢູ່ກອງບັນຊາການທະຫານເຮືອເຂດ 3. ພາບ: ວັນຈຸງ

ພາຍຫຼັງກວດກາສະພາບຕົວຈິງ ແລະຮັບຟັງຜູ້ບັນຊາກົມກອງ ລາຍງານ, ທ່ານພົນໂທ ຫງວຽນເຕິນເກືອງ ໄດ້ຍ້ອງຍໍຊົມເຊີຍຜົນການປະຕິບັດໜ້າທີ່ຂອງທະຫານເຮືອເຂດ 3 ໃນໄລຍະຜ່ານມາ. ເພື່ອປະຕິບັດສໍາເລັດໜ້າທີ່ໃນໄລຍະຈະມາເຖິງ, ທ່ານຫົວໜ້າກົມໃຫຍ່ເສນາທິການ ຮຽກຮ້ອງໃຫ້ກົມກອງ ສືບຕໍ່ຮັກສາລະບອບປະຈໍາການກຽມພ້ອມສູ້ຮົບຢູ່ທຸກຂັ້ນຢ່າງເຂັ້ມງວດ; ສົມທົບຢ່າງແໜ້ນແຟ້ນລະຫວ່າງບັນດາກໍາລັງໃນການປະຕິບັດໜ້າທີ່, ກໍາແໜ້ນສະພາບການ, ຄຸ້ມຄອງເຂດທະເລທີ່ໄດ້ຮັບມອບໝາຍໃຫ້ເປັນຢ່າງດີ; ເປັນເສນາທິການຢ່າງທັນການ, ແກ້ໄຂບັນດາກໍລະນີຢ່າງມີປະສິດທິຜົນ, ບໍ່ໃຫ້ຕົກຢູ່ໃນທ່າຮັບ, ບັງເອີນ. ຄຽງຂ້າງນັ້ນ, ຄະນະພັກ, ກອງບັນຊາການທະຫານເຮືອເຂດ 3 ຕ້ອງເອົາໃຈໃສ່, ຜັນຂະຫຍາຍການເຄື່ອນໄຫວວຽກງານພັກ, ວຽກງານການເມືອງຢ່າງມີປະສິດທິຜົນ; ເພີ່ມທະວີການຊີ້ນໍາປ່ຽນແປງໃໝ່, ຍົກສູງຄຸນນະພາບການຫັດແອບໃຫ້ແກ່ບັນດາເປົ້າໝາຍຮັບປະກັນຕິດແທດກັບສະພາບຕົວຈິງ; ຮັກສາລະບຽບແບບແຜນ, ຄຸ້ມຄອງລະບຽບວິໄນຢ່າງເຂັ້ມງວດ; ສືບຕໍ່ເບິ່ງແຍງດູແລ ຮັບປະກັນຊີວິດການເປັນຢູ່ທາງດ້ານວັດຖຸ ແລະຈິດໃຈໃຫ້ແກ່ທະຫານ ໃຫ້ເປັນຢ່າງດີ; ຜັນຂະຫຍາຍມາດຕະການຮັບປະກັນດ້ານພະລາທິການ, ເຕັກນິກໃຫ້ແກ່ບັນດາໜ້າທີ່ຢ່າງຄົບຊຸດ...

ໂດຍ: ໄຊຊະນະ