ລັດຖະມົນຕີກະຊວງປ້ອງກັນປະເທດ ຍ້ອງຍໍຊົມເຊີຍ 64 ໝູ່ຄະນະ, ບຸກຄົນ 142 ຄົນທີ່ມີຜົນງານດີເດັ່ນໃນການປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ທ່ານພົນໂທ ຟານວັນຢາງ ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ຫາກໍ່ເຊັນຂໍ້ຕົກລົງສະບັບເລກທີ 1715/QĐ-BQP ວ່າດ້ວຍການມອບໃບຍ້ອງຍໍໃຫ້ 64 ໝູ່ຄະນະ ແລະບຸກຄົນ 142 ຄົນທີ່ສັງກັດຢູ່ອົງການ, ກົມກອງໃນທົ່ວກອງທັບທີ່ມີຜົນງານດີເລີດໃນການເຂົ້າຮ່ວມການປ້ອງກັນ, ຕ້ານພະຍາດໂຄວິດ-19.
ນີ້ແມ່ນໝູ່ຄະນະ, ສ່ວນບຸກຄົນໃນໄລຍະຜ່ານມາໄດ້ມານະພະຍາຍາມ, ຜ່ານຜ່າທຸກຄວາມຫຍຸ້ງຍາກ, ຍາມໃດກໍ່ປະຈັນບານ, ຢູ່ດ່ານໜ້າປະຕິບັດໜ້າທີ່, ມີຫຼາຍຜົນງານດີເລີດ, ປະກອບສ່ວນສໍາຄັນພ້ອມກັບອໍານາດການປົກຄອງ, ປະຊາຊົນທ້ອງຖິ່ນ ແລະກ້ອນກໍາລັງໃນທົ່ວປະເທດ ຄວບຄຸມ, ສະກັດກັ້ນໂລກລະບາດໂຄວິດ-19 ຢ່າງມີປະສິດທິຜົນເທື່ອລະກ້າວ. ລາງວັນຂອງລັດຖະມົນຕີກະຊວງປ້ອງກັນປະເທດ ໄດ້ສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງ, ແມ່ນການໃຫ້ກຳລັງໃຈຢ່າງທັນການເພື່ອໃຫ້ພະນັກງານ, ພາລະກອນ, ນັບຮົບໃນທົ່ວກອງທັບສືບຕໍ່ເສີມຂະຫຍາຍນໍ້າໃຈຮັບຜິດຊອບ, ຕັດສິນໃຈຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ປະຕິບັດສໍາເລັດໜ້າທີ່ປ້ອງກັນ, ຕ້ານພະຍາດໂຄວິດ-19 ເປັນຢ່າງດີ ແລະໜ້າທີ່ອື່ນທີ່ໄດ້ມອບໝາຍໃຫ້.
|
|
ທ່ານພົນໂທ ຟານວັນຢາງ ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ. ພາບ: qdnd.vn |
ໃນຈໍານວນໝູ່ຄະນະ, ສ່ວນບຸກຄົນທີ່ມີຜົນງານດີເລີດ ໂດຍລັດຖະມົນຕີກະຊວງປ້ອງກັນປະເທດ ມອບໃບຍ້ອງຍໍໃນຄັ້ງນີ້, ໜັງສືພິມກອງທັບປະຊາຊົນ ເປັນກຽດມີ 1 ໝູ່ຄະນະ ແລະບຸກຄົນ 3 ຄົນ.
ໂດຍ: ເກື່ອງດັ້ງ