ກອງປະຊຸມສາກົນທາງໄກຄັ້ງທີ 3 ກ່ຽວກັບ Army Games 2021
ກປ.ອອນໄລ - ວັນທີ 3 ມິຖຸນາ, ກອງປະຊຸມສາກົນທາງໄກຄັ້ງທີ 3 ເພື່ອກະກຽມໃຫ້ງານແຂ່ງຂັນກິລາການທະຫານສາກົນ (Army Games) ປີ 2021 ໄດ້ດໍາເນີນດ້ວຍການເຂົ້າຮ່ວມຂອງຜູ້ຕາງໜ້າທີ່ມາຈາກ 40 ປະເທດ ແລະເຂດແຄວ້ນ. ຄະນະຜູ້ແທນຫວຽດນາມ ນຳໂດຍທ່ານພົນຈັດຕະວາ ຖ໊າຍວັນມີງ, ຫົວໜ້າກົມອົບຮົມ, ກົມໃຫຍ່ເສນາທິການ ເຂົ້າຮ່ວມກອງປະຊຸມ.
ທີ່ກອງປະຊຸມ, ທ່ານພົນຈັດຕະວາ ຖ໊າຍວັນມີງ ແລກປ່ຽນຂໍ້ມູນກ່ຽວກັບວຽກງານກະກຽມຂອງກະຊວງປ້ອງກັນປະເທດຫວຽດນາມ ເພື່ອສາມາດເປັນເຈົ້າພາບຈັດ 2 ລາຍການແຂ່ງຂັນ “ນັກຍິງບັ່ນທອນ” ແລະ “ເຂດເກີດອຸບັດເຫດ” ໃນຂອບເຂດ Army Games 2021. ຕາມນັ້ນແລ້ວ, ເວລາ ແລະວຽກງານຈັດຕັ້ງສອງລາຍການດັ່ງກ່າວຈະປະຕິບັດຖືກຕາມທຳນຽມ ແລະຂໍ້ກໍານົດຂອງ Army Games, ບົນພື້ນຖານທີ່ເໝາະສົມກັບສະພາບຕົວຈິງ.
|
|
ທ່ານພົນຈັດຕະວາ ຖ໊າຍວັນມີງ ກ່າວຄໍາເຫັນທີ່ກອງປະຊຸມ. ພາບ: qdnd.vn |
ຫຼາຍກິດຈະກຳດ້ານວັດທະນະທຳ-ສິລະປະ, ກິລາກາຍະກໍາຄາດວ່າຈະໄດ້ຈັດຢູ່ນອກການແຂ່ງຂັນກິລາການທະຫານສາກົນ, ຄື: ການວາງສະແດງວັດທະນະທຳຢູ່ເຮືອນມິດຕະພາບ, ການສະແດງສິລະປະ... ການເຂົ້າຮ່ວມ Army Games 2021 ແລະການກະກຽມທຸກດ້ານ ເພື່ອເປັນເຈົ້າພາບຈັດຕັ້ງສອງລາຍການໃນຂອບເຂດງານແຂ່ງຂັນກິລາການທະຫານສາກົນສຳເລັດຜົນສືບຕໍ່ເປັນການຢັ້ງຢືນຄວາມຕັດສິນໃຈ, ອິດທິພົນຊື່ສຽງ ແລະຜົນສຳເລັດຂອງຫວຽດນາມ ເວົ້າລວມ, ກອງທັບປະຊາຊົນຫວຽດນາມ ເວົ້າສະເພາະກ່ຽວກັບການປະຕິບັດ “ເປົ້າໝາຍຄວຍຄູ່” ໃນສະພາບພະຍາດໂຄວິດ-19.
ຕາມຂໍ້ມູນຈາກກະຊວງປ້ອງກັນປະເທດລັດເຊຍ, Army Games 2021 ຄາດວ່າຈະດໍາເນີນໃນລະຫວ່າງວັນທີ 22 ສິງຫາ ຫາວັນທີ 4 ກັນຍາ. Army Games 2021 ມີ 277 ທີມທີ່ມາຈາກຈາກ 41 ປະເທດ ແລະເຂດແຄວ້ນຈະເຂົ້າຮ່ວມການແຂ່ງຂັນ 34 ລາຍການ.
ໂດຍ: ກວຽດເຕິມ