ບັນດາກົມກອງ, ທ້ອງຖິ່ນປຸກລະດົມບຸນເຕັດປູກຕົ້ນໄມ້

18 ກຸມພາ 2021 17:41

ກປ.ອອນໄລ - ຕອນເຊົ້າວັນທີ 17 ກຸມພາ, ທີ່ກອງບັນຊາການກອງພົນໃຫຍ່ທີ 1 ໄດ້ຈັດຕັ້ງພິທີປຸກລະດົມບຸນເຕັດປູກຕົ້ນໄມ້ຕ້ອນຮັບລະດູບານໃໝ່ປີສະຫຼູ 2021. ທ່ານພົນຈັດຕະວາ ໂດ໊ມີງເຊືອງ, ຫົວໜ້າການທະຫານກອງພົນໃຫຍ່ທີ 1 ເປັນປະທານພິທີປຸກລະດົມ.

ນີ້ແມ່ນການເຄື່ອນໄຫວທີ່ແທດຈິງ ເພື່ອແນໃສ່ໂຄສະນາ, ສຶກສາອົບຮົມໃຫ້ທະຫານທຸກຄົນກ່ຽວກັບຄວາມໝາຍ, ບົດບາດສໍາຄັນຂອງການຈັດຕັ້ງ “ບຸນເຕັດປູກຕົ້ນໄມ້ຮູ້ບຸນຄຸນລຸງໂຮ່”, ປະກອບສ່ວນສ້າງ ແລະປົກປັກຮັກສາສິ່ງແວດລ້ອມໃຫ້ “ຂຽວ, ສະອາດ, ງາມຕາ” ຢູ່ກອງພົນໃຫຍ່.

ທ່ານພົນຈັດຕະວາ ໂດ໊ມີງເຊືອງ, ຫົວໜ້າການທະຫານກອງພົນໃຫຍ່ທີ 1 ປຸກລະດົມພິທີປູກຕົ້ນໄມ້ຢູ່ກອງພົນໃຫຍ່ທີ 1. ພາບ: qdnd.vn

ບັນຍາກາດທີ່ພິທີປຸກລະດົມຢູ່ກອງບັນຊາການກອງພົນໃຫຍ່ທີ 1. ພາບ: qdnd.vn

ບົນຈິດໃຈນັ້ນ, ພະນັກງານ, ນັກຮົບບັນດາອົງການ, ກົມກອງຂອງກອງພົນໃຫຍ່ ໄດ້ພ້ອມກັນປູກຕົ້ນໄມ້. ຕາມການຄາດຄະເນແລ້ວ,ໃນວັນທີ 17 ກຸມພາ, ບັນດາອົງການ, ກົມກອງຂອງກອງພົນໃຫຍ່ຈະປູກຕົ້ນໄມ້ 54.800 ຕົ້ນ.

ພາຍຫຼັງພິທີປຸກລະດົມ, ພະນັກງານ, ນັກຮົບກອງພົນໃຫຍ່ທີ 1 ໄດ້ປູກຕົ້ນໄມ້ຫຼາຍຕົ້ນ. ພາບ: qdnd.vn

ໃນວັນດຽວກັນ, ຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມແຂວງແຄ໋ງຮວ່າ; ກອງພັນໃຫຍ່ 244 (ຕາແສງນາມເຄ, ນະຄອນອວງບິ໋), ກອງບັນຊາການທະຫານແຂວງກວ໋າງນີງ; ກອງບັນຊາການທະຫານຊາຍແດນແຂວງເຊີນລາ; ກອງບັນຊາການທະຫານຊາຍແດນແຂວງເງະອານ ຈັດຕັ້ງພິທີປູກຕົ້ນໄມ້ລະດູບານໃໝ່ປີສະຫຼູ 2021...