ຫວຽດນາມ ຈັດສົ່ງນາຍທະຫານເຂົ້າຮ່ວມການເຄື່ອນໄຫວຮັກສາສັນຕິພາບຕື່ມອີກ 3 ຄົນ
ກປ.ອອນໄລ - ຕອນເຊົ້າວັນທີ 22 ຕຸລາ, ທີ່ຮ່າໂນ້ຍ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງພິທີມອບ-ຮັບຂໍ້ຕົກລົງຂອງປະທານປະເທດ ແລະມອບໜ້າທີ່ໃຫ້ນາຍທະຫານ 3 ຄົນກະກຽມອອກເດີນທາງໄປປະຕິບັດໜ້າທີ່ຮັກສາສັນຕິພາບສະຫະປະຊາຊາດ ຢູ່ຄະນະປະຕິບັດງານ ສ. ຊູດັງໃຕ້ ແລະ ສ. ອາຟະລິກາກາງ. ທ່ານພົນໂທ ຫງວຽນຈີ໊ວິ້ງ, ກຳມະການສູນກາງພັກ, ຄະນະປະຈຳຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ, ຫົວໜ້າກຸ່ມປະຕິບັດງານລະຫວ່າງຂະແໜງການ, ຫົວໜ້າຄະນະຊີ້ນຳກະຊວງປ້ອງກັນປະເທດກ່ຽວກັບເລື່ອງຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ, ເປັນປະທານພິທີ.
ທ່ານພົນໂທ ຫງວຽນຈີ໊ວິ້ງ ຕີລາຄາສູງການຜັນຂະຫຍາຍຄັ້ງນີ້, ໃນນັ້ນທ່ານພັນໂທ ຫງວຽນບ໊າຮືງ ຮອງຫົວໜ້າກົມຮັກສາສັນຕິພາບຫວຽດນາມ ຈະດຳລົງຕຳແໜ່ງເປັນນັກສັງເກດການທະຫານທີ່ຄະນະປະຕິບັດງານ ສ. ຊູດັງໃຕ້. ກ່ອນໜ້ານັ້ນ, ທ່ານພັນໂທ ລຶວດິ່ງຫ໊ຽນ, ຫົວໜ້າສູນຝຶກແອບ, ກົມຮັກສາສັນຕິພາບຫວຽດນາມ ກໍ່ໄດ້ຮັບຂໍ້ຕົກລົງຂອງປະທານປະເທດ ແລະກະກຽມອອກເດີນທາງເຂົ້າຮ່ວມຄະນະປະຕິບັດງານ ສ. ອາຟະລິກາກາງ. ທ່ານພົນໂທ ຫງວຽນຈີ໊ວິ້ງ ເນັ້ນໜັກວ່າ: “ຈິດໃຈຕະລຸມບອນພ້ອມແລ້ວທີ່ຈະຮັບໜ້າທີ່ທີ່ຄະນະປະຕິບັດງານຂອງບັນດາສະຫາຍພະນັກງານ, ການນຳກົມຮັກສາສັນຕິພາບຫວຽດນາມ ສະແດງໃຫ້ເຫັນຄວາມເປັນແບບຢ່າງ ແລະຈິດໃຈຮັບຜິດຊອບສູງ. ນີ້ກໍ່ແມ່ນກາລະໂອກາດເພື່ອໃຫ້ບັນດາສະຫາຍຍົກສູງຄວາມສາມາດນຳພາຢູ່ກົມກອງດ້ວຍບັນດາບົດຮຽນຕົວຈິງຢູ່ບໍລິເວນ”.
|
|
ໂດຍໄດ້ຮັບການມອບສິດຈາກປະທານປະເທດ, ທ່ານພົນໂທ ຫງວຽນຈີ໊ວິ້ງ ມອບຂໍ້ຕົກລົງໃຫ້ບັນດາສະຫາຍເດີນທາງໄປຮັບໜ້າທີ່. ພາບ: ໝີແຫ້ງ. |
ທ່ານພົນໂທ ຫງວຽນຈີ໊ວິ້ງ ຮຽກຮ້ອງສືບຕໍ່ຍົກສູງຄຸນນະພາບແຫຼ່ງຊັບພະຍາກອນມະນຸດໃນການເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ, ກໍ່ສ້າງ ແລະບຳລຸງເພື່ອໃຫ້ຫວຽດນາມ ມີບັນດານາຍທະຫານຮັກສາສັນຕິພາບສະຫະປະຊາຊາດເຂົ້າຮ່ວມປະຕິບັດໜ້າທີ່ທີ່ສຳນັກງານສະຫະປະຊາຊາດຢູ່ນິວຢອກ (ອາເມລິກາ) ຕື່ມອີກ, ຄົ້ນຄ້ວາເປີດກວ້າງບໍລິເວນ ກໍ່ຄືບັນດາຮູບການໃໝ່ເໝາະສົມກັບແນວທາງ, ນະໂຍບາຍຂອງພັກ ແລະລັດ, ເໝາະສົມກັບຄວາມສາມາດຂອງຫວຽດນາມ, ຕັ້ງໜ້າປະກອບສ່ວນໃຫ້ສັນຕິພາບ ແລະຄວາມໝັ້ນຄົງຂອງໂລກ.
ໂດຍ: ແສງເດືອນ