ພະລາທິການກອງທັບ ຄວນສືບຕໍ່ປ່ຽນແປງໃໝ່, ສ້າງຂະແໜງການໃຫ້ເປັນກຳລັງຫຼວງ, ທັນສະໄໝ
ກປ.ອອນໄລ - ຕອນເຊົ້າວັນທີ 11 ກໍລະກົດ, ຢູ່ຮ່າໂນ້ຍ, ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມພິທີສະເຫຼີມສະຫຼອງ 70 ປີແຫ່ງວັນມູນເຊື້ອຂະແໜງພະລາທິການກອງທັບ (11-7-1950 / 11-7-2020) ແລະຕ້ອນຮັບຫຼຽນໄຊປົກປັກຮັກສາປະເທດຊາດ ຊັ້ນ I ໃຫ້ແກ່ກົມກອງ.
ກ່າວຄຳເຫັນທີ່ພິທີ, ທ່ານ ຫງວຽນຊວນຟຸກ ໄດ້ຕີລາຄາສູງຕໍ່ຜົນງານເຊິ່ງຂະແໜງພະລາທິການກອງທັບບັນລຸໄດ້ໃນໄລຍະຜ່ານມາເພື່ອປະກອບສ່ວນພ້ອມກັບທົ່ວປວງຊົນ, ທົ່ວກອງທັບຍາດໄດ້ໄຊຊະນະອັນຍິ່ງໃຫຍ່ໃນພາລະກິດແຫ່ງການຕໍ່ສູ້ປົດປ່ອຍຊາດ, ສ້າງສາ ແລະປົກປັກຮັກສາປະເທດຊາດ ແລະປະຕິບັດພັນທະສາກົນອັນສູງສົ່ງ.
|
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ປະດັບຫຼຽນໄຊປົກປັກຮັກສາປະເທດຊາດ ຊັ້ນ I ແລະມອບໃບຢັ້ງຢືນໃຫ້ກົມໃຫຍ່ພະລາທິການ. ພາບ: qdnd.vn. |
ກ້າວເຂົ້າສູ່ໄລຍະສ້າງສາ ແລະປົກປັກຮັກສາປະເທດຊາດ, ທ່ານ ຫງວຽນຊວນຟຸກ ສະເໜີໃຫ້ສືບຕໍ່ປ່ຽນແປງໃໝ່, ຮັບປະກັນພະລາທິການກອງທັບໃນສະພາບການໃໝ່, ສ້າງຂະແໜງການໃຫ້ເປັນກຳລັງຫຼວງ, ທັນສະໄໝ, ປັບປຸງລະບົບພະລາທິການທົ່ວກອງທັບຢູ່ 3 ຂັ້ນ, ຄື: ຍຸດທະສາດ, ບັ້ນຮົບ ແລະຍຸດທະວິທີ; ສ້າງທ່າຮົບພະລາທິການປະຊາຊົນຢ່າງມີປະສິດທິຜົນ ແລະໝັ້ນຄົງເຂັ້ມແຂງ. ຂະແໜງພະລາທິການກອງທັບຄວນສືບຕໍ່ສ້າງບັນດາມາດຕະການປ້ອງກັນພະລາທິການ ແລະວິທີຈັດຕັ້ງພະລາທິການຢ່າງຕໍ່ເນື່ອງ, ທັນການເພື່ອຮັບປະກັນໃຫ້ທະຫານກຽມພ້ອມສູ້ຮົບໃນເງື່ອນໄຂຄູ່ຕໍ່ສູ້ນຳໃຊ້ອາວຸດເຕັກໂນໂລຢີສູງ, ບໍ່ປະໃຫ້ຕົກຢູ່ໃນທ່າຮັບ ໂດຍບັງເອີນ.
ໂດຍ: ເຈິ່ນຮວ່ຽນ