ຄະນະຍິງປືນທະຫານກອງທັບອອກເດີນທາງໄປແຂ່ງຂັນ AARM-29
ກປ.ອອນໄລ - ວັນທີ 11 ພະຈິກ, ທີ່ສູນຝຶກແອບແຫ່ງຊາດມ໋ຽວມົນ, ທ່ານພົນຕີ ຫງວຽນເຕິນເກືອງ, ກຳມະການສູນກາງພັກ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ໄດ້ພົບປະ ແລະມອບໜ້າທີ່ໃຫ້ແກ່ຄະນະກິລາຍິງປືນທະຫານກອງທັບປະຊາຊົນຫວຽດນາມ ທີ່ເຂົ້າຮ່ວມການແຂ່ງຂັນຍິງປືນທະຫານບົກກອງທັບບັນດາປະເທດອາຊຽນ ຄັ້ງທີ 29 (AARM-29) ຢູ່ອິນໂດເນເຊຍ.
ໂດຍກະກຽມໃຫ້ແກ່ການແຂ່ງຂັນປີນີ້ຄະນະນັກກິລາຍິງປືນທະຫານກອງທັບໄດ້ຈັດຕັ້ງການຝຶກແອບຖືກຕາມລາຍການ, ແຜນການທີ່ໄດ້ໃຫ້ສັດຕະຍາບັນ.
|
|
ທ່ານພົນຕີ ຫງວຽນເຕິນເກືອງ ມອບຂອງຂວັນ, ປຸກລະດົມກໍາລັງໃຈໃຫ້ແກ່ຄະນະນັກກິລາ. ພາບ: ຢຸຍດົງ. |
ກ່າວຄໍາເຫັນທີ່ພິທີມອບ-ຮັບໜ້າທີ່, ທ່ານພົນຕີ ຫງວຽນເຕິນເກືອງ ຮັບຮູ້ ແລະຊົມເຊີຍຄະນະນັກກິລາຍິງປືນທະຫານກອງທັບໄດ້ມານະພະຍາຍາມບືນຕົວຂຶ້ນໃນການຝຶກແອບ, ຝຶກຝົນຫຼໍ່ຫຼອມ. ເພື່ອໃຫ້ຄະນະໄປແຂ່ງຂັນບັນລຸໄດ້ໝາກຜົນທີ່ດີ, ທ່ານພົນຕີ ຫງວຽນເຕິນເກືອງ ຮຽກຮ້ອງພະນັກງານ ແລະສະມາຊິກແຕ່ລະຄົນເສີມຂະຫຍາຍຈິດໃຈສາມັກຄີ, ເຫັນດີເປັນເອກະພາບ, ສໍາເລັດບັນດາລາຍການແຂ່ງຂັນເປັນຢ່າງດີ ແລະກໍານົດວ່ານີ້ທັງແມ່ນໜ້າທີ່, ທັງແມ່ນຄວາມຮັບຜິດຊອບ, ຄວາມເປັນກຽດຂອງສະມາຊິກທີ່ເຂົ້າຮ່ວມການແຂ່ງຂັນ; ໃນວິວັດການແຂ່ງຂັນບັນດາສະມາຊິກໃນຄະນະຕ້ອງປະຕິບັດກົດລະບຽບການແຂ່ງຂັນຢ່າງເຂັ້ມງວດ, ແຂ່ງຂັນຢ່າງສັດຊື່, ສູງສົ່ງ, ຖອດຖອນບົດຮຽນ, ຄ່ຽມຄົມ, ມີຄວາມຕັດສິນໃຈສູງ...
ໂດຍ: ທະນາພອນ