ທ່ານພົນເອກ ເລືອງເກື່ອງ ໄປຢ້ຽມຢາມສະຫະພັນລັດເຊຍ ແລະສ. ເບລາຣຸສ
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານພົນໂທ Andrey Valeryevich Kartapolov ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງການທະຫານບັນດາກໍາລັງປະກອບອາວຸດສະຫະພັນລັດເຊຍ ແລະທ່ານພັນເອກ Kasinski Leonid Viktorovich, ຜູ້ຊ່ວຍລັດຖະມົນຕີກະຊວງປ້ອງກັນປະເທດກ່ຽວກັບວຽກງານແນວຄິດໃນກໍາລັງປະກອບອາວຸດ, ຫົວໜ້າກົມໃຫຍ່ແນວຄິດ, ກະຊວງປ້ອງກັນປະເທດ ສ. ເບລາຣຸສ, ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ນຳໂດຍທ່ານພົນເອກ ເລືອງເກື່ອງ ເລຂາສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄປຢ້ຽມຢາມສະຫະພັນລັດເຊຍ ແລະສ. ເບລາຣຸສ ຢ່າງເປັນທາງການໃນລະຫວ່າງວັນທີ 18-26 ມິຖຸນາ.
ການຢ້ຽມຢາມສະຫະພັນລັດເຊຍ ແລະສ. ເບລາຣຸສ ຄັ້ງນີ້ຂອງທ່ານພົນເອກ ເລືອງເກື່ອງ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ແມ່ນເພື່ອແນໃສ່ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອ, ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ສະຫະພັນລັດເຊຍ ແລະການພົວພັນຄູ່ຮ່ວມມື ຫວຽດນາມ-ເບລາຣຸສ; ພ້ອມທັງແມ່ນການເຄື່ອນໄຫວທີ່ມີຄວາມໝາຍສໍາຄັນ, ແມ່ນຈຸດພົ້ນເດັ່ນໃນປີຫວຽດນາມ-ສະຫະພັນລັດເຊຍ, ສະຫະພັນລັດເຊຍ-ຫວຽດນາມ (2019-2020).
ໂດຍ: ຈາງຫງວຽນ