ກໍາປັ່ນທະຫານເຮືອຍີ່ປຸ່ນ ເຂົ້າທຽບທ່າກໍາປັ່ນສາກົນ ກາມແຣງ
ກປ.ອອນໄລ - ຕອນເຊົ້າວັນທີ 14 ມິຖຸນາ, ກໍາປັ່ນປົກປ້ອງຍົນເຮລີກອບເຕີ JS IZUMO 183 ແລະກໍາປັ່ນຂັບໄລ່ JS MURASAME 101 ຂອງທະຫານເຮືອຍີ່ປຸ່ນ ພ້ອມກັບລູກເຮືອ ແລະນາຍທະຫານຈໍານວນ 700 ຄົນ ນໍາໂດຍທ່ານພົນເຮືອຈັດຕະວາ Hiroshi Egawa, ຜູ້ບັນຊາກອງກໍາປັ່ນປົກປ້ອງເລກ 1 ໄດ້ເຂົ້າທຽບທ່າສາກົນກາມແຣງ, ແຄ໋ງຮວ່າ, ເລີ່ມຕົ້ນການຢ້ຽມຢາມຫວຽດນາມ ແລະພົບປະແລກປ່ຽນກັບທະຫານເຮືອຫວຽດນາມ ແຕ່ວັນທີ 14 – 17 ມິຖຸນາ.
    |
 |
|
ພະນັກງານທະຫານເຮືອເຂດ 4 ຕ້ອນຮັບຄະນະນາຍທະຫານເຮືອຍີ່ປຸ່ນ. ແຮ້ງວັນ. |
ໃນໄລຍະຢູ່ຢ້ຽມຢາມຫວຽດນາມ, ນາຍທະຫານ ແລະລູກເຮືອຂອງທະຫານເຮືອຍີ່ປຸ່ນ ຈະເຂົ້າຮ່ວມບັນດາກິດຈະກໍາ: ເຂົ້າຢ້ຽມຂໍ່ານັບການນໍາຄະນະກໍາມະການປະຊາຊົນແຂວງແຄ໋ງຮວ່າ, ກອງບັນຊາການທະຫານເຮືອເຂດ 4, ວິທະຍາຄານທະຫານເຮືອ; ແຂ່ງຂັນກິລາມິດຕະພາບກັບພະນັກງານ, ນັກຮົບທະຫານເຮືອເຂດ 4, ຢ້ຽມຢາມບາງສະຖານທີ່ທ່ອງທ່ຽວຢູ່ແຂວງແຄ໋ງຮວ່າ...
ການຢ້ຽມຢາມ ຫວຽດນາມ ຂອງກໍາປັ່ນທະຫານເຮືອຍີ່ປຸ່ນ 2 ລໍາໃນຄັ້ງນີ້ເພື່ອແນໃສ່ເພີ່ມທະວີການພົວພັນຮ່ວມມື, ຄວາມໄວ້ເນື້ອເຊື່ອໃຈ ແລະຄວາມເຂົ້າໃຈເຊິ່ງກັນແລະກັນລະຫວ່າງກອງທັບ ແລະທະຫານເຮືອສອງປະເທດ ຫວຽດນາມ ແລະຍີ່ປຸ່ນ ກວ່າອີກ.
ໂດຍ: ໄຊຊະນະ