ກອງເຮືອ 015, 011 ເຂົ້າທຽບທ່າກໍາປັ່ນ Qingdao ຢ້ຽມຢາມ ຈີນ
ກປ.ອອນໄລ - ວັນທີ 21 ເມສາ, ກອງເຮືອ 015 - ເຈິ່ນຮຶງດ້າວ ແລະກອງເຮືອ 011 - ດິງຕຽນຮວ່າງ ສັງກັດກອງພົນນ້ອຍ 162 (ທະຫານເຮືອເຂດ 4) ແລະຄະນະປະຕິບັດງານທະຫານເຮືອປະຊາຊົນຫວຽດນາມ ນໍາໂດຍພັນເອກພິເສດ ຫງວຽນດິ່ງຮຸ່ງ, ຮອງຜູ້ບັນຊາການ, ຫົວໜ້າຫ້ອງເສນາທິການທະຫານເຮືອເຂດ 4 ໄດ້ເຂົ້າທຽບທ່າກໍາປັ່ນ Dagang, ທ່າກໍາປັ່ນທະຫານ Qingdao, ແຂວງ Shandong ເຂົ້າຮ່ວມບັນດາການເຄື່ອນໄຫວທະຫານເຮືອຫຼາຍຝ່າຍເນື່ອງໃນໂອກາດສະເຫຼີມສະຫຼອງວັນສ້າງຕັ້ງທະຫານເຮືອກອງທັບປົດປ່ອຍປະຊາຊົນຈີນ ຄົບຮອບ 70 ປີ.
ຕ້ອນຮັບກອງເຮືອ ແລະຄະນະປະຕິບັດງານທະຫານເຮືອປະຊາຊົນຫວຽດນາມ ມີທ່ານພັນເອກພິເສດ Huang Hai Jun, ຮອງຫົວໜ້າການທະຫານ ສູນຝຶກອົບຮົມກອງເຮືອ Beihai ພ້ອມດ້ວຍນາຍ, ພົນທະຫານ ແລະພວກນ້ອງນ້ອຍເຍົາວະຊົນ, ອະນຸຊົນນະຄອນ Qingdao ເຂົ້າຮ່ວມເປັນຈໍານວນຫຼວງຫຼາຍ.
ຕາງໜ້າການນໍາກອງເຮືອ Beihai ໄດ້ຂໍ່ານັບຮັບຕ້ອນກອງເຮືອ 015, 011 ແລະຄະນະປະຕິບັດງານທະຫານເຮືອປະຊາຊົນຫວຽດນາມ ເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງທະຫານເຮືອກອງທັບປົດປ່ອຍປະຊາຊົນຈີນ ຄົບຮອບ 70 ປີ ແລະອວຍພອນກອງເຮືອ ແລະຄະນະປະຕິບັດງານທະຫານເຮືອປະຊາຊົນຫວຽດນາມ ມີການຢ້ຽມຢາມ Qingdao, ຈີນ ບັນລຸໄດ້ໝາກຜົນຢ່າງຈົບງາມ, ປະກອບສ່ວນເພີ່ມທະວີສາຍພົວພັນມິດຕະພາບ ແລະການຮ່ວມມືທີ່ດີງາມລະຫວ່າງກອງທັບ ແລະທະຫານເຮືອສອງປະເທດ.
ໂດຍ: ກວຽດເຕິມ