ກອງບັນຊາການທະຫານເຂດ 4 ຢ້ຽມຢາມ, ອວຍພອນບຸນປີໃໝ່ລາວ
ກປ.ອອນໄລ - ເນື່ອງໃນໂອກາດກະກຽມຕ້ອນຮັບປີໃໝ່ລາວ, ແຕ່ວັນທີ 4 – 6 ເມສາ 2019, ຄະນະປະຕິບັດງານຂອງກອງບັນຊາການທະຫານເຂດ 4 ນໍາໂດຍພົນຈັດຕະວາ ຫງວຽນຢວານແອງ ຫົວໜ້າການທະຫານກອງບັນຊາການທະຫານເຂດ 4 ພ້ອມດ້ວຍຄະນະໄດ້ໄປຢ້ຽມຢາມ ແລະອວຍພອນປີໃໝ່ ຄະນະພັກແຂວງ, ຄະນະກໍາມະການປະຊາຊົນແຂວງ; ກອງບັນຊາການທະຫານບັນດາແຂວງ: ຄໍາມ່ວນ, ສະຫວັນນະເຂດ, ສາລະວັນ ແລະກອງພົນທີ 4 ກອງທັບປະຊາຊົນລາວ.
ທີ່ບັນດາການຢ້ຽມຢາມ ແລະອວຍພອນປີໃໝ່, ຫົວໜ້າກອງບັນຊາການທະຫານເຂດ 4 ໄດ້ສົ່ງຄໍາອວຍພອນໄຊອັນປະເສີດມາຍັງການນໍາ, ອໍານາດການປົກຄອງທ້ອງຖິ່ນບັນດາແຂວງ; ຜູ້ບັນຊາບັນດາກົມກອງຂອງກອງທັບປະຊາຊົນລາວ ຈົ່ງມີສຸຂະພາບແຂງແຮງ, ປະສົບຜົນສໍາເລັດໃນໜ້າທີ່ວຽກງານ, ຂໍໃຫ້ເສດຖະກິດ, ສັງຄົມບັນດາທ້ອງຖິ່ນນັບມື້ນັບໄດ້ຮັບການພັດທະນາ, ການປ້ອງກັນຊາດ-ປ້ອງກັນຄວາມສະຫງົບ ໄດ້ຮັບການປັບປຸງ, ເພີ່ມທະວີ.
    |
 |
|
ຫົວໜ້າກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ຄະນະພັກແຂວງ, ຄະນະກໍາມະການປະຊາຊົນແຂວງຄໍາມ່ວນ. ພາບ: baoquankhu4.com.vn. |
ກອງບັນຊາການທະຫານເຂດ 4 ປາດຖະໜາວ່າ ການນໍາ, ອໍານາດການປົກຄອງທ້ອງຖິ່ນ ແລະກໍາລັງປະກອບອາວຸດບັນດາແຂວງຂອງ ສປປ ລາວ ຈະສືບຕໍ່ຍູ້ແຮງວຽກງານໂຄສະນາເຜີຍແຜ່, ສຶກສາອົບຮົມໃຫ້ແກ່ຄົນຮຸ່ນໜຸ່ມຮັບຮູ້ຢ່າງເລິກເຊິ່ງກ່ຽວກັບມູນເຊື້ອອັນດີງາມ, ການພົວພັນມິດຕະພາບ, ຄວາມສາມັກຄີແບບພິເສດລະຫວ່າງ 2 ປະເທດ, 2 ກອງທັບ ຫວຽດນາມ ແລະລາວ. ເອົາໃຈໃສ່ຊີ້ນໍາ, ສົມທົບຊ່ວຍເຫຼືອບັນດາກໍາລັງຂອງກອງບັນຊາການທະຫານເຂດ 4 ປະຕິບັດສໍາເລັດໜ້າທີ່ທີ່ໄດ້ຮັບການມອບໝາຍຈາກຂັ້ນເທິງຢູ່ດິນແດນຂອງປະເທດເພື່ອນມິດລາວ.
|
|
 |
|
ບັນຍາກາດການຢ້ຽມຢາມ, ອວຍພອນບຸນປີໃໝ່ທີ່ກອງບັນຊາການທະຫານແຂວງຄໍາມ່ວນ. ພາບ: baoquankhu4.com.vn. |
|
|
 |
|
ຫົວໜ້າກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ກອງບັນຊາການທະຫານແຂວງຄໍາມ່ວນ. ພາບ: baoquankhu4.com.vn. |
|
|
 |
|
ຫົວໜ້າກອງບັນຊາການທະຫານເຂດ 4 ຢ້ຽມຢາມ ແລະອວຍພອນປີໃໝ່ທີ່ກອງພົນທີ 4 ກອງທັບປະຊາຊົນລາວ. ພາບ: baoquankhu4.com.vn |
ການນໍາອໍານາດການປົກຄອງທ້ອງຖິ່ນ ແລະບັນດາກົມກອງກອງທັບປະຊາຊົນລາວ ຂໍສະແດງຄວາມຂອບອົກຂອບໃຈຢ່າງຈິງໃຈຕໍ່ການເອົາໃຈໃສ່ເປັນພິເສດຂອງກອງບັນຊາການທະຫານເຂດ 4 ສໍາລັບປະເທດລາວ ໃນຕະຫຼອດໄລຍະທີ່ຜ່ານມາ, ພິເສດ, ແມ່ນຫົວໜ້າກອງບັນຊາການທະຫານເຂດ 4 ໄດ້ມາຢ້ຽມຢາມ, ອວຍພອນບຸນປີໃໝ່ລາວ ເຊິ່ງສະແດງໃຫ້ເຫັນອາລົມຈິດພິເສດ, ມູນເຊື້ອມິດຕະພາບ, ຄວາມສາມັກຄີອັນລໍ້າຄ່າຂອງສອງປະເທດ, ສອງກອງທັບ ຫວຽດນາມ - ລາວ ອ້າຍນ້ອງ.
|
|
 |
|
ຫົວໜ້າກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ຄະນະພັກແຂວງ, ຄະນະກໍາມະການປະຊາຊົນແຂວງສະຫວັນນະເຂດ. ພາບ: baoquankhu4.com.vn |
|
|
 |
|
ຫົວໜ້າກອງບັນຊາການທະຫານເຂດ 4 ຢ້ຽມຢາມ, ອວຍພອນປີໃໝ່ຢູ່ກອງບັນຊາການທະຫານແຂວງສະຫວັນນະເຂດ. ພາບ: baoquankhu4.com.vn |
|
|
 |
|
ຫົວໜ້າກອງບັນຊາການທະຫານເຂດ 4 ມອບຂອງຂວັນ, ອວຍພອນປີໃໝ່ຢູ່ກອງບັນຊາການທະຫານແຂວງສາລະວັນ. ພາບ: baoquankhu4.com.vn |
ຜ່ານນັ້ນ, ປາດຖະໜາຢາກສືບຕໍ່ສົມທົບຊ່ວຍເຫຼືອບັນດາກໍາລັງຂອງທະຫານເຂດ 4 ປະຕິບັດໜ້າທີ່ພົວພັນຕ່າງປະເທດດ້ານປ້ອງກັນຊາດ; ຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດໃນປາງສົງຄາມຢູ່ລາວ ເປັນຢ່າງດີ, ປະກອບສ່ວນພ້ອມກັບເພື່ອນລາວ ຕໍ່ສູ້ຕ້ານ ແລະສະກັດກັ້ນອາດຊະຍາກໍາປະເພດຕ່າງໆ, ສ້າງບໍລິເວນໃຫ້ມີສະຖຽນລະພາບ, ເສດຖະກິດພັດທະນາ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ເພີ່ມພູນຄູນສ້າງນໍ້າໃຈສາມັກຄີມິດຕະພາບແບບພິເສດ ຫວຽດນາມ - ລາວ ໃຫ້ນັບມື້ນັບພັດທະນາຢ່າງໝັ້ນຄົງ.
ໂດຍ: ໄຊຊະນະ