ທ່ານນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ
ການປະຕິບັດງານຂອງປະທານປະເທດ ເລືອງເກື່ອງ ປະສົບຜົນສຳເລັດຢ່າງຈົບງາມ ແລະສ້າງຂີດໝາຍສຳຄັນຫຼາຍຢ່າງ
ຄໍ່າຄືນວັນທີ 1 ພະຈິກ, ທ່ານປະທານປະເທດຫວຽດນາມ ເລືອງເກື່ອງ ແລະຄະນະຜູ້ແທນຂັ້ນສູງຫວຽດນາມ ໄດ້ເດີນທາງມາຮອດຮ່າໂນ້ຍ, ສິ້ນສຸດການເຂົ້າຮ່ວມສັບປະດາຂັ້ນສູງເວທີປາໄສຮ່ວມມືເສດຖະກິດ ອາຊີ-ປາຊີຟິກ (APEC) ຄັ້ງທີ 32 ແລະການເຮັດວຽກສອງຝ່າຍຢູ່ ສ.ເກົາຫຼີ ຕາມຄຳເຊື້ອເຊີນຂອງທ່ານປະທານາທິບໍດີ Lee Jae Myung ແຕ່ວັນທີ 29 ຕຸລາ ຫາວັນທີ 1 ພະຈິກ ຢ່າງຈົບງາມ.
    |
 |
|
ທ່ານນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ. ພາບ: vov.vn |
ເມື່ອຕອບສຳພາດຕໍ່ສື່ມວນຊົນກ່ຽວກັບໝາກຜົນພົ້ນເດັ່ນໃນການປະຕິບັດງານຂອງທ່ານປະທານປະເທດຫວຽດນາມ ເລືອງເກື່ອງ ໃນສັບປະດາຂັ້ນສູງເວທີປາໄສຮ່ວມມືເສດຖະກິດ ອາຊີ-ປາຊີຟິກ (APEC) ຄັ້ງທີ 32 ແລະການເຮັດວຽກສອງຝ່າຍຢູ່ ສ.ເກົາຫຼີ ນັ້ນ, ທ່ານນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ ຢັ້ງຢືນວ່າ ທ່ານປະທານປະເທດຫວຽດນາມ ໄດ້ຍົກອອກບັນດາຂໍ້ສະເໜີ, ມາດຕະການເພື່ອຮ່ວມມື APEC ນັບມື້ນັບແທດຈິງ, ມີປະສິດທິຜົນ, ຕອບສະໜອງຖືກຕ້ອງບັນດາການປ່ຽນແປງຢ່າງວ່ອງໄວເກີດຂຶ້ນ ແລະນຳມາເຊິ່ງຜົນປະໂຫຍດອັນແທດຈິງໃຫ້ແກ່ການພັດທະນາຂອງພາກພື້ນ ແລະແຕ່ລະພື້ນຖານເສດຖະກິດສະມາຊິກ.
ຜ່ານການເຄື່ອນໄຫວນີ້, ຫວຽດນາມ ໄດ້ແບ່ງປັນຢ່າງເລິກເຊິ່ງກ່ຽວກັບກຳນົດທິດພັດທະນາ, ຍູ້ແຮງການດຶງດູດນັກລົງທຶນ, ຊຸກຍູ້ການຮ່ວມມືໃນບັນດາຂົງເຂດບຸລິມະສິດ, ເຊັ່ນ: ຫັນເປັນດີຈີຕອນ, ຫັນເປັນສີຂຽວ, ນະວັດຕະກໍາ ແລະພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ໂດຍ: ວິທະຍຸກະຈາຍສຽງຫວຽດນາມ