ຫວຽດນາມ-ຍີ່ປຸ່ນ ເຊັນບົດບັນທຶກຊ່ວຍຈໍາວ່າດ້ວຍການຮ່ວມມືກ່ຽວກັບການເຕີບໂຕກາກບອນຕໍ່າ
ກປ.ອອນໄລ - ຕອນບ່າຍວັນທີ 14 ຕຸລາ, ທີ່ຮ່າໂນ້ຍ, ກະຊວງຊັບພະຍາກອນ ແລະສິ່່ງແວດລ້ອມຫວຽດນາມ ແລະສະຖານທູດຍີ່ປຸ່ນ ປະຈໍາ ຫວຽດນາມ ຈັດຕັ້ງພິທີເຊັນບົດບັນທຶກຊ່ວຍຈໍາວ່າດ້ວຍການເຕີບໂຕກາກບອນຕໍ່າລະຫວ່າງລັດຖະບານຫວຽດນາມ ແລະລັດຖະບານຍີ່ປຸ່ນ ຜ່ານລະບົບທາງໄກ ແລະໂດຍກົງ.
ກ່າວຄໍາເຫັນທີ່ພິທີ, ທ່ານ ເຈີ່ນຮົ່ງຮ່າ ລັດຖະມົນຕີກະຊວງຊັບພະຍາກອນ ແລະສິ່ງແວດລ້ອມຫວຽດນາມ ຖືວ່າ ໃນສະຖານະການໂລກ ກໍາລັງມຸ່ງເຖິງກອງປະຊຸມ COP26 ດ້ວຍຄໍາໝັ້ນສັນຍາໃໝ່ທີ່ແຮງກວ່າເພື່ອຍູ້ຖອຍ “ວິກິດການ” ດິນຟ້າອາກາດ, ເລື່ອງຫວຽດນາມ ແລະຍີ່ປຸ່ນ ເຊັນຕໍ່ກຳນົດເວລາບົດບັນທຶກຊ່ວຍຈໍາເພື່ອຜັນຂະຫຍາຍກົນໄກ JCM ເຖິງໝົດປີ 2030 ແມ່ນມີຄວາມໝາຍສໍາຄັນສຸດ.
|
|
ພິທີເຊັນບົດບັນທຶກຊ່ວຍຈໍາວ່າດ້ວຍການຮ່ວມມືກ່ຽວກັບການເຕີບໂຕກາກບອນຕໍ່າ. ພາບ: Monre. |
ນີ້ບໍ່ພຽງແຕ່ແມ່ນພື້ນຖານເພື່ອໃຫ້ສອງລັດຖະບານຊຸກຍູ້ການພັດທະນາການເຄື່ອນໄຫວຮ່ວມມືຕ່າງໆເທົ່ານັ້ນ ຫາກຍັງສະແດງໃຫ້ເຫັນຄວາມຮັບຜິດຊອບຂອງລັດຖະບານສອງປະເທດຕໍ່ສິ່ງທ້າທາຍກ່ຽວກັບດິນຟ້າອາກາດ ອີກດ້ວຍ. ທ່ານລັດຖະມົນຕີ ປາດຖະໜາວ່າ ກົນໄກຮ່ວມມືນີ້ຈະກາຍເປັນແບບຢ່າງກ່ຽວກັບການຮ່ວມມືລະຫວ່າງຫວຽດນາມ ແລະຍີ່ປຸ່ນ ໃນການພັດທະນາ ແລະຖ່າຍທອດເຕັກໂນໂລຢີ, ດຶງດູດການເຂົ້າຮ່ວມຂອງວິສາຫະກິດຫວຽດນາມ ແລະຍີ່ປຸ່ນເປັນຈໍານວນຫຼວງຫຼາຍ.
ທ່ານ Yamaguchi Tsuyoshi Michael ລັດຖະມົນຕີກະຊວງສິ່ງແວດລ້ອມຍີ່ປຸ່ນ ຕີລາຄາສູງຕໍ່ການປະກອບສ່ວນຂອງຫວຽດນາມ ໃນການຮ່ວມມືແກ້ໄຂບັນດາບັນຫາຮີບດ່ວນກ່ຽວກັບສະພາບແວດລ້ອມສາກົນ ແລະພາກພື້ນເວົ້າລວມ ກໍ່ຄືການປະຕິບັດກົນໄກ JCM ເວົ້າສະເພາະໃນໄລຍະຜ່ານມາ; ພ້ອມທັງເຊື່ອໝັ້ນວ່າ ບົດບັນທຶກຊ່ວຍຈໍາຈະແມ່ນພື້ນຖານສໍາຄັນເພື່ອໃຫ້ສອງປະເທດພ້ອມກັນຊຸກຍູ້ການເຄື່ອນໄຫວຮ່ວມມືໃນການປະຕິບັດຄໍາໝັ້ນສັນຍາກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ຫຼຸດຜ່ອນອາຍພິດເຮືອນແກ້ວ, ປະກອບສ່ວນຢ່າງຕັ້ງໜ້າຕໍ່ກັບເປົ້າໝາຍປ່ອຍກາກບອນຂອງຫວຽດນາມ.
ໂດຍ: ເກື່ອງດັ້ງ