ໂທລະເລກອວຍພອນທ່ານ Justin Trudeau ນາຍົກລັດຖະມົນຕີການາດາ
ກປ.ອອນໄລ - ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສະແດງຄວາມໄວ້ເນື້ອເຊື່ອໃຈວ່າ ພາຍໃຕ້ການນໍາພາຂອງທ່ານ Justin Trudeau ນາຍົກລັດຖະມົນຕີການາດາ, ລັດຖະບານ ແລະປະຊາຊົນການາດາ ສືບຕໍ່ບັນລຸຜົນງານອັນຍິ່ງໃຫຍ່ໃນທຸກດ້ານ.
ເນື່ອງໃນໂອກາດພັກເສລີພາບການາດາ ຍາດໄດ້ໄຊຊະນະໃນການເລືອກຕັ້ງທົ່ວປະເທດ ຄັ້ງທີ 44 ຂອງການາດາ, ວັນທີ 28 ກັນຍາ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ສົ່ງໂທລະເລກອວຍພອນທ່ານ Justin Trudeau ນາຍົກລັດຖະມົນຕີການາດາ.
|
|
ທ່ານ Justin Trudeau ນາຍົກລັດຖະມົນຕີການາດາ ກ່າວຄໍາເຫັນຊົມເຊີຍໄຊຊະນະກັບຜູ້ສະໜັບສະໜູນ. ພາບ: Reuters. |
ທ່ານ ຟ້າມມິງຈິ໊ງ ສະແດງຄວາມໄວ້ເນື້ອເຊື່ອໃຈວ່າ ພາຍໃຕ້ການນໍາພາຂອງທ່ານ Justin Trudeau ນາຍົກລັດຖະມົນຕີການາດາ, ລັດຖະບານ ແລະປະຊາຊົນການາດາ ສືບຕໍ່ບັນລຸຜົນງານອັນຍິ່ງໃຫຍ່ໃນທຸກດ້ານ, ປະກອບສ່ວນຍົກສູງຖານະບົດບາດຂອງການາດາ ໃນເວທີສາກົນ.
ເພື່ອມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ການາດາ ໃນປີ 2023, ທ່ານ ຟ້າມມິງຈິ໊ງ ຢັ້ງຢືນຄວາມປາດຖະໜາຢາກຮ່ວມມືກັບທ່ານ Justin Trudeau ແລະລັດຖະບານການາດາ ຢ່າງແໜ້ນແຟ້ນເພື່ອແນໃສ່ປັບປຸງ ແລະເຮັດການພົວພັນຄູ່ຮ່ວມມືຮອບດ້ານລະຫວ່າງສອງປະເທດໃຫ້ເລິກເຊິ່ງກວ່າອີກ, ປະກອບສ່ວນຮັກສາສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນອາຊີ-ປາຊີຟິກ ແລະໃນໂລກ.
ໂດຍ: ຈາງຫງວຽນ