ຊຸກຍູ້ການພົວພັນຄູ່ຮ່ວມມືຍຸດທະສາດຫວຽດນາມ-ອີຕາລີ
ກປ.ອອນໄລ - ຕອນບ່າຍວັນທີ 19 ພຶດສະພາ, ທ່ານຟ້າມບິ່ງມິນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ໂອ້ລົມທາງໂທລະສັບກັບທ່ານ Luigi Di Maio ລັດຖະມົນຕີການຕ່າງປະເທດ ແລະການຮ່ວມມືສາກົນອີຕາລີ ເພື່ອແລກປ່ຽນມາດຕະການສົມທົບກັນປ້ອງກັນ, ຕ້ານພະຍາດ, ເພີ່ມທະວີການຮ່ວມມືສອງຝ່າຍ ແລະຫຼາຍຝ່າຍລະຫວ່າງສອງປະເທດ.
ທີ່ການໂອ້ລົມທາງໂທລະສັບ, ທ່ານ Luigi Di Maio ໄດ້ຕີລາຄາສູງຜົນງານຂອງຫວຽດນາມ ໃນວຽກງານຮັບມືກັບພະຍາດໂຄວິດ-19; ສະແດງຄວາມຂອບອົກຂອບໃຈຕໍ່ການຊ່ວຍເຫຼືອອັນລໍ້າຄ່າເຊິ່ງລັດຖະບານ ແລະປະຊາຊົນຫວຽດນາມ ໄດ້ສະຫງວນໃຫ້ລັດຖະບານ ແລະປະຊາຊົນອີຕາລີ ໃນໄລຍະຫຍຸ້ງຍາກນີ້, ຕີລາຄາວ່ານີ້ແມ່ນການກະທຳສະແດງໃຫ້ເຫັນນໍ້າໃຈມິດຕະພາບ ແລະຄວາມສາມັກຄີລະຫວ່າງສອງປະເທດເຊິ່ງລັດຖະບານ ແລະປະຊາຊົນອີຕາລີ ຈະຈົດຈໍາໄວ້.
|
|
ທ່ານ ຟ້າມບິ່ງມິນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄດ້ໂອ້ລົມທາງໂທລະສັບກັບທ່ານ Luigi Di Maio ລັດຖະມົນຕີການຕ່າງປະເທດ ແລະການຮ່ວມມືສາກົນອີຕາລີ. ພາບ: ຫາຍມິງ. |
ທ່ານ ຟ້າມບິ່ງມິນ ໄດ້ແຈ້ງໃຫ້ຊາບບັນດາມາດຕະການປ້ອງກັນ, ຕ້ານພະຍາດໂຄວິດ-19 ເຊິ່ງລັດຖະບານຫວຽດນາມ ຜັນຂະຫຍາຍໄດ້ນຳມາເຊິ່ງບັນດາຜົນງານຕັ້ງໜ້າ, ໄດ້ຮັບການຕີລາຄາສູງຈາກປະຊາຄົມສາກົນ, ທ່ານຢັ້ງຢືນວ່າ ຫວຽດນາມ ຈະສືບຕໍ່ຮ່ວມມືກັບອີຕາລີ ແລະປະຊາຄົມສາກົນໃນການຕ້ານພະຍາດໂຄວິດ-19.
ກ່ຽວກັບການພົວພັນສອງຝ່າຍ, ສອງຝ່າຍໄດ້ເນັ້ນໜັກເຖິງຄວາມສໍາຄັນໃນການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ, ເຫັນດີເປັນເອກະພາບຊຸກຍູ້ແລກປ່ຽນຄະນະຜູ້ແທນທຸກຂັ້ນ, ພ້ອມທັງເພີ່ມທະວີບັນດາກົນໄກທາບທາມ ແລະປະສານການພົວພັນເພື່ອກໍານົດທິດຜັນຂະຫຍາຍການຮ່ວມມືຫວຽດນາມ-ອີຕາລີ ໃນໄລຍະໃໝ່ໃຫ້ມີປະສິດທິຜົນ...
ທ່ານ ຟ້າມບິ່ງມິນ ໄດ້ຂອບໃຈ ແລະສະເໜີອີຕາລີ ສືບຕໍ່ສະໜັບສະໜູນການພັດທະນາສາຍພົວພັນຫວຽດນາມ-ອີຢູ, ໂດຍສະເພາະແມ່ນເສີມຂະຫຍາຍຜົນປະໂຫຍດເຊິ່ງສັນຍາການຄ້າເສລີຫວຽດນາມ-ອີຢູ (EVFTA) ແລະສັນຍາປົກປ້ອງການລົງທຶນຫວຽດນາມ-ອີຢູ (EVIPA) ນຳມາໃຫ້ໃນໄລຍະຈະມາເຖິງ.
ໂດຍ: ເກື່ອງດັ້ງ