ທ່ານເລຂາທິການໃຫຍ່ສະຫະປະຊາຊາດ ແລະບັນດາປະເທດຕີລາຄາສູງບົດບາດສາກົນຂອງຫວຽດນາມ
ກປ.ອອນໄລ - ໂດຍສືບຕໍ່ບັນດາການເຄື່ອນໄຫວເນື່ອງໃນໂອກາດເປັນປະທານວາລະປະຊຸມປຶກສາຫາລືເປີດຂອງສະພາຄວາມໝັ້ນຄົງສະຫະປະຊາຊາດ, ວັນທີ 9 – 10 ມັງກອນ, ທີ່ສໍານັກງານສະຫະປະຊາຊາດ, ທ່ານ ຟ້າມບີ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ໄດ້ເປັນປະທານການເຮັດວຽກຂອງສະພາຄວາມໝັ້ນຄົງກັບທ່ານ Antonio Guterres ເລຂາທິການໃຫຍ່ສະຫະປະຊາຊາດ ແລະບັນດາການເຄື່ອນໄຫວພົບປະສອງຝ່າຍກັບທ່ານເລຂາທິການໃຫຍ່ສະຫະປະຊາຊາດ, ຫົວໜ້າອົງການສະຫະປະຊາຊາດເພື່ອການພັດທະນາ, ຜູ້ອໍານວຍການອົງການ UN Women, ລັດຖະມົນຕີການຕ່າງປະເທດ ນິຄາລາກົວ, ລັດຖະມົນຕີການຕ່າງປະເທດ ຕິມໍ ແລັດສະເຕ, ຮອງລັດຖະມົນຕີການຕ່າງປະເທດອູແກຣນ ແລະອະດີດປະທານາທິບໍດີອຽກລັງ.