ກອງປະຊຸມດໍາເນີນໃນບັນຍາກາດທີ່ສະໜິດສະໜົມ, ອົບອຸ່ນ ແລະເຂົ້າໃຈເຊິ່ງກັນ ແລະກັນ ດ້ວຍຫົວຂໍ້ “ສັນຕິພາບ, ສະຖຽນລະພາບ ແລະພັດທະນາບັນດາແຂວງຕິດຈອດກັບຊາຍແດນແບບຍືນຍົງ”. ສອງຝ່າຍໄດ້ແລກປ່ຽນທັດສະນະຢ່າງກົງໄປກົງມາ ແລະສະແດງໃຫ້ເຫັນຄວາມຕັດສິນໃຈໃນການຮັກສາ ແລະພັດທະນາການພົວພັນ ແລະການຮ່ວມມືລະຫວ່າງບັນດາແຂວງຕິດຈອດກັບຊາຍແດນຂອງຫວຽດນາມ ແລະກໍາປູເຈຍ ຕາມທິດນໍາ “ບ້ານໃກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານ”, ພ້ອມກັນນັ້ນສືບຕໍ່ສ້າງ ແລະປົກປັກຮັກສາເສັ້ນຊາຍແດນ ຫວຽດນາມ-ກໍາປູເຈຍ ໃຫ້ກາຍເປັນເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາແບບຍືນຍົງ.
    |
 |
|
ທ່ານ ບຸ່ຍແທັງເຊີນ ຮອງນາຍົກລັດຖະມົນຕີຫວຽດນາມ ແລະທ່ານ Sar Sokha, ຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນກຳປູເຈຍ ເປັນປະທານຮ່ວມກອງປະຊຸມຮ່ວມມື ແລະ ພັດທະນາບັນດາແຂວງຕິດຈອດກັບຊາຍແດນ ຫວຽດນາມ - ກໍາປູເຈຍ ຄັ້ງທີ 13. ພາບ: chinhphu.vn |
ສອງຝ່າຍໄດ້ຕີລາຄາສູງຕໍ່ໝາກຜົນທີ່ບັນລຸໄດ້ໃນການຜັນຂະຫຍາຍຜົນຂອງກອງປະຊຸມຮ່ວມມື ແລະພັດທະນາບັນດາແຂວງຕິດຈອດກັບຊາຍແດນ ຫວຽດນາມ-ກໍາປູເຈຍ ຄັ້ງທີ 12 ທີ່ຈັດຂຶ້ນແຕ່ວັນທີ 23-25 ເມສາ ປີ 2023 ທີ່ແຂວງໄຕນິງ (ຫວຽດນາມ). ພ້ອມດຽວກັນນັ້ນ, ສອງຝ່າຍໄດ້ຮັບຮູ້ການພົວພັນ, ການຮ່ວມມືອັນດີງາມລະຫວ່າງອໍານາດການປົກຄອງ ແລະກຳລັງກ່ຽວຂ້ອງຂອງບັນດາແຂວງຕິດຈອດກັບຊາຍແດນຂອງສອງປະເທດ ໃນໄລຍະຜ່ານມາ ໄດ້ສືບຕໍ່ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະຄວາມໝັ້ນຄົງຢູ່ລຽບຕາມເຂດຊາຍແດນຂອງສອງປະເທດ, ພ້ອມກັນນັ້ນຊຸກຍູ້ການພັດທະນາ ເສດຖະກິດ-ສັງຄົມ ແລະຍົກສູງຄຸນນະພາບການດໍາລົງຊີວິດຂອງປະຊາຊົນຢູ່ໃນເຂດຊາຍແດນໃຫ້ດີຂຶ້ນ.
ກອງປະຊຸມໄດ້ເນັ້ນໜັ້ກເຖິງການປັບປຸງການຮ່ວມມືລະຫວ່າງບັນດາແຂວງຕິດຈອດກັບຊາຍແດນຂອງຫວຽດນາມ ແລະກໍາປູເຈຍ ໃນຫຼາຍຂົງເຂດສຳຄັນ, ລວມມີ: ການປ້ອງກັນຊາດ, ປ້ອງກັນຄວາມສະຫງົຍ, ຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມ, ການແລກປ່ຽນການຄ້າຂ້າມຊາຍແດນ, ການລົງທຶນ ແລະ ການຄຸ້ມຄອງດ່ານຊາຍແດນ, ການຂົນສົ່ງຂ້າມຊາຍແດນ, ການພັດທະນາພື້ນຖານໂຄງລ່າງ ແລະການເຊື່ອມຈອດ, ວຽກງານຂີດເສັ້ນປັກຫຼັກໝາຍຊາຍແດນທາງບົກ, ກະສິກຳ, ສາທາລະນະສຸກ, ພະລັງງານ, ສິ່ງແວດລ້ອມ ແລະແຫຼ່ງນໍ້າ, ການທ່ອງທ່ຽວ, ຂໍ້ມູນຂ່າວສານ, ກົດໝາຍ ແລະຕຸລາການ, ທະນາຄານ, ການຄຸ້ມຄອງການບໍລິຫານຂັ້ນທ້ອງຖິ່ນ, ພ້ອມທັງແລກປ່ຽນວັດທະນະທໍາ ແລະພົບປະແລກປ່ຽນລະຫວ່າງປະຊາຊົນ.
|
|
 |
|
ຜູ້ຕາງໜ້າບັນດາທ້ອງຖິ່ນຂອງສອງປະເທດຫວຽດນາມ - ກໍາປູເຈຍ ເຂົ້າຮ່ວມກອງປະຊຸມ. ພາບ: chinhphu.vn |
ກອງປະຊຸມໄດ້ເຫັນດີເປັນເອກະສັນສົ່ງເສີມອຳນາດການປົກຄອງບັນດາແຂວງຈິດຈອດກັບຊາຍແດນຂອງຫວຽດນາມ ແລະກໍາປູເຈຍ ສືບຕໍ່ພົບປະ ແລະແລກປ່ຽນເພື່ອພິຈາລະນາຄວາມຄືບໜ້າໃນການຜັນຂະຫຍາຍ ແລະໝາກຜົນການຮ່ວມມືໃນຂົງເຂດຕ່າງໆ, ສິ່ງທ້າທາຍໃໝ່ທີ່ເກີດຂຶ້ນ, ພ້ອມທັງວາງອອກທິດທາງແນໃສ່ປັບປຸງ, ພັດທະນາສາຍພົວພັນການຮ່ວມມືລະຫວ່າງອຳນາດການປົກຄອງບັນດາແຂວງຕິດຈອດກັບຊາຍແດນຂອງສອງປະເທດ.
ສອງຝ່າຍໄດ້ເຫັນດີຈະຈັດຈັ້ງກອງປະຊຸມຮ່ວມມື ແລະພັດທະນາບັນດາແຂວງຕິດຈອດກັບຊາຍແດນຫວຽດນາມ-ກໍາປູເຈຍ ຄັ້ງທີ 14 ໃນປີ 2026 ຢູ່ ຫວຽດນາມ.
ໂດຍ: ທູຈາງ