ຕອນຄ່ຳວັນທີ 24 ກໍລະກົດ (ຕາມເວລາທ້ອງຖິ່ນ), ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ພ້ອມດ້ວຍພັນລະຍາ ທ່ານນາງ ຫງວຽນທິແທັງງາ ແລະຄະນະຜູ້ແທນຂັ້ນສູງຫວຽດນາມ ໄດ້ໄປຮອດນະຄອນຫຼວງ Rabat, ເລີ່ມຕົ້ນການຢ້ຽມຢາມ ລາຊະອານາຈັກ ມາຣົກ ຢ່າງເປັນທາງການ ແຕ່ວັນທີ 24 - 27 ກໍລະກົດ ຕາມຄໍາເຊີນຂອງທ່ານ Rachid Talbi Alami ປະທານສະພາຕໍ່າ ແຫ່ງລາຊະອານາຈັກ ມາຣົກ.
ພາຍຫຼັງລົງຈອດຢູ່ສະໜາມບິນ, ທ່ານ ເຈິ່ນແທັງເໝິນ ປະທານສະພາ ແຫ່ງຊາດຫວຽດນາມ ແລະທ່ານ Rachid Talbi Alami ປະທານສະພາຕໍ່າ ມາຣົກ ໄດ້ມີການພົບປະວົງແຄບ.
ຄາດວ່າ ໃນການຢ້ຽມຢາມຢ່າງເປັນທາງການຄັ້ງນີ້, ທ່ານ ເຈິ່ນແທັງເໝິນ ຈະມີບັນດາການພົບປະກັບການນຳຂັ້ນສູງຂອງມາຣົກ; ພົບປະກັບປະທານສະພາສູງມາຣົກ; ພົບປະສອງຝ່າຍກັບປະທານສະພາຕ່ຳມາຣົກ; ລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດຫວຽດນາມ ແລະສະພາຕ່ຳມາຣົກ; ເຂົ້າຮ່ວມການໂອ້ລົມສົນທະນາກ່ຽວກັບນະໂຍບາຍກົດໝາຍຊຸກຍູ້ການຮ່ວມມືດ້ານເສດຖະກິດ, ການຄ້າ ແລະການລົງທຶນ ຫວຽດນາມ - ມາຣົກ; ຢ້ຽມຢາມ, ພົບປະໂອ້ລົມກັບພະນັກງານ, ລັດຖະກອນສະຖານທູດ ແລະປະຊາຄົມຊາວຫວຽດນາມ ອາໄສຢູ່ມາຣົກ…
ໂດຍ: ກວຽດເຕິມ
Type the code from the image