ຫວຽດນາມ-ຍີ່ປຸ່ນ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານໃນທຸກຂົງເຂດ

ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ແລະທ່ານ Nagahama Hiroyuki ຮອງປະທານສະພາສູງພ້ອມດ້ວຍຄະນະຜູ້ແທນສອງປະເທດ ຫວຽດນາມ-ຍີ່ປຸ່ນ ທີ່ການພົບປະ. ພາບ: ກະຊວງການຕ່າງປະເທດ

ທີ່ການພົບປະຕ່າງໆ, ທ່ານລັດຖະມົນຕີ ບຸ່ຍແທັງເຊີນ ສະແດງຄວາມປິຕິຊົມຊື່ນເມື່ອການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ຍີ່ປຸ່ນ ສືບຕໍ່ພັດທະນາຢ່າງແທດຈິງ, ມີປະສິດທິຜົນໃນທຸກຂົງເຂດດ້ວຍຄວາມໄວ້ເນື້ອເຊື່ອໃຈດ້ານການເມືອງສູງພາຍຫຼັງທີ່ໄດ້ຮັບການຍົກລະດັບ. ທ່ານລັດຖະມົນຕີ ບຸ່ຍແທັງເຊີນ ສະເໜີໃຫ້ຝ່າຍ ຍີ່ປຸ່ນ ເອົາໃຈໃສ່, ສະໜັບສະໜູນ ແລະຊຸກຍູ້ການແລກປ່ຽນຄະນະຜູ້ແທນທຸກຂັ້ນ, ສະໜັບສະໜູນສອງປະເທດເຮັດໃຫ້ການຮ່ວມສຳພັນເສດຖະກິດຜ່ານການຍູ້ແຮງການຮ່ວມມື ODA, ການລົງທຶນ, ການຄ້າຢ່າງເລິກເຊິ່ງ...; ສະເໜີໃຫ້ແຂວງ Hokkaido ສືບຕໍ່ເພີ່ມທະວີການຮ່ວມມືກັບບັນດາທ້ອງຖິ່ນຫວຽດນາມ.

ບັນດາເຈົ້າໜ້າທີ່ ຍີ່ປຸ່ນ ຢັ້ງຢືນວ່າ ຈະສະໜັບສະໜູນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ຍີ່ປຸ່ນ ໃນທຸກຂົງເຂດ, ເພີ່ມທະວີການພົບປະແລກປ່ຽນ, ການຮ່ວມມືຢ່າງແໜ້ນແຟ້ນລະຫວ່າງອົງການນິຕິບັນຍັດຂອງສອງປະເທດໃນໄລຍະຈະມາເຖິງ; ເຫັນດີເປັນເອກະພາບພິຈາລະນາຂໍ້ສະເໜີຂອງຝ່າຍຫວຽດນາມ ກ່ຽວກັບການຜັນຂະຫຍາຍໂຄງການກູ້ຢືມ ODA ຈໍານວນໜຶ່ງ, ໜູນຊ່ວຍການກໍ່ສ້າງຊັບພະຍາກອນມະນຸດໃນຂົງເຂດໃໝ່, ຄື: ການຫັນເປັນດີຈີຕອນ, ການຫັນເປັນສີຂຽວ, ປ່ຽນແປງໃໝ່ປະດິດສ້າງ; ສືບຕໍ່ຈັດຕັ້ງເຫດການພົບປະແລກປ່ຽນວັດທະນະທຳ, ພົບປະແລກປ່ຽນປະຊາຊົນເພື່ອແນໃສ່ເພີ່ມທະວີຄວາມສະໜິດຕິດພັນ ແລະຄວາມເຂົ້າອົກເຂົ້າໃຈເຊິ່ງກັນ ແລະກັນລະຫວ່າງປະຊາຊົນສອງປະເທດ.

ໂດຍ: ເຈິ່ນຮວ່ຽນ