ຕອນເຊົ້າວັນດຽວກັນ, ພາຍຫຼັງພິທີຕ້ອນຮັບຢ່າງສົມກຽດຢູ່ສະໜາມບິນ ແລະສຳນັກງານສະພາຕ່ຳຟິລິບປິນ, ທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ ໄດ້ດຳເນີນການພົບປະເຈລະຈາກັບທ່ານ Martin Romualdez ປະທານສະພາຕ່ຳຟິລິບປິນ.

ທີ່ການພົບປະເຈລະຈາ, ທ່ານ Martin Romualdez ຕີລາຄາສູງຕໍ່ຄວາມໝາຍຂອງການຢ້ຽມຢາມເມື່ອໄດ້ຮູ້ວ່າ ນີ້ແມ່ນໜຶ່ງໃນບັນດາການຢ້ຽມຢາມທຳອິດຂອງຜູ້ນຳໜ້າ ສະພາແຫ່ງຊາດຕ່າງປະເທດມາ ຟິລິບປິນ ພາຍຫຼັງປະເທດນີ້ຈັດຕັ້ງການເລືອກຕັ້ງທົ່ວປະເທດສຳເລັດ (ເດືອນພຶດສະພາ 2022) ແລະມີຄະນະການນຳສະພາສູງ ແລະສະພາຕ່ຳໃໝ່ (ເດືອນກໍລະກົດ 2022).

leftcenterrightdel
ທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ ແລະທ່ານ Martin Romualdez ປະທານສະພາຕ່ໍໍາຟິລິບປິນ. ພາບ: ສໍານັກຂ່າວສານຫວຽດ ນາມ.

ການນຳສອງທ່ານຖືວ່າ ບັນດາການຢ້ຽມຢາມ ແລະພົບປະຂັ້ນສູງໃນໄລຍະມໍ່ໆມານີ້ແມ່ນການພົບປະສອງຝ່າຍຂອງທ່ານ ຫງວຽນຊວນຟຸກ ປະທານປະເທດ ແລະນາຍົກ ລັດຖະມົນຕີ ຟ້າມມິງຈິ໊ງ ກັບທ່ານປະທານາທິບໍດີຟິລິບປິນ Ferdinand Romualdez Marcos Jr ເນື່ອງໃນໂອກາດສັບປະດາຂັ້ນສູງເວທີປາໄສການຮ່ວມມືເສດຖະກິດອາຊີ-ປາຊີຟິກ (APEC) ແລະກອງປະຊຸມສຸດຍອດອາຊຽນ ຜ່ານມາໄດ້ສະແດງໃຫ້ເຫັນຄວາມສະໜິດຕິດພັນ ແລະໄວ້ເນື້ອເຊື່ອໃຈດ້ານການເມືອງລະຫວ່າງບັນດາການນຳ ແລະປະຊາຊົນສອງປະເທດ.

ເມື່ອແລກປ່ຽນກ່ຽວກັບການພົວພັນສອງຝ່າຍ, ການນຳສອງທ່ານໄດ້ເຫັນດີເປັນເອກະພາບເພີ່ມທະວີການພົວພັນອັນດີງາມທີ່ມີຢູ່ແລ້ວລະຫວ່າງສອງປະເທດໃນບັນດາຂົງເຂດ, ຄື: ການເມືອງ-ການພົວພັນຕ່າງປະເທດ, ການຄ້າ-ການລົງທຶນ. ທ່ານປະທານສະພາຕ່ຳ Martin Romualdez ສະແດງຄວາມຂອບອົກຂອບໃຈຫວຽດນາມ ທີ່ໄດ້ໜູນຊ່ວຍອຸປະກອນການແພດໃຫ້ຟິລິບປິນ ໃນໄລຍະເກີດພະຍາດໂຄວິດ-19 ແລະຍາມໃດກໍ່ແມ່ນຄູ່ຮ່ວມມືສະໜອງເຂົ້າສານທີ່ມີຄວາມໄວ້ເນື້ອເຊື່ອໃຈ, ເປັນປົກກະຕິໃນວິກິດການສະບຽງອາຫານທົ່ວໂລກ; ປາດຖະໜາຢາກໃຫ້ຟິລິບປິນ ສົ່ງອອກສິນຄ້າມາຫວຽດນາມ ຫຼາຍປະເພດກວ່າອີກ.

leftcenterrightdel
ທ່ານ Martin Romualdez ປະທານສະພາຕ່ໍາຟິລິບປິນ ມອບມະຕິສະບັບ ເລກທີ 571 ວ່າດ້ວຍການເພີ່ມທະວີການຮ່ວມມືລະຫວ່າງຟິລິບປິນ ແລະຫວຽດນາມ ຮັບຮອງເອົາການສ້າງຕັ້ງກຸ່ມສະມາຊິກລັດຖະສະພາມິດຕະພາບຟິລິບປິນ-ຫວຽດນາມ ໃຫ້ທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ. ພາບ: ສຳນັກຂ່າວສານຫວຽດນາມ.

ທີ່ການພົບປະເຈລະຈາ, ໂດຍປະຕິບັດຕາມຄຳຊີ້ນຳຂອງທ່ານ Martin Romualdez, ຕໍ່ໜ້າການເປັນສັກຂີພິຍານຂອງສະມາຊິກລັດຖະສະພາສອງປະເທດ, ຜູ້ຕາງໜ້າສະພາຕ່ຳຟິລິບປິນ ໄດ້ອ່ານມະຕິສະບັບເລກທີ 571 ວ່າດ້ວຍການເພີ່ມທະວີການຮ່ວມມືລະຫວ່າງຟິລິບປິນ ແລະຫວຽດນາມ ຮັບຮອງເອົາການສ້າງຕັ້ງກຸ່ມສະມາຊິກລັດຖະສະພາມິດຕະພາບ ຟິລິບປິນ-ຫວຽດນາມ ທີ່ສະມາຊິກສະພາຕ່ຳຟິລິບປິນ ຫາກໍ່ເຫັນດີຮັບຮອງເອົາ.

ໂດຍ: ສົມເພັດ