ໃນຂອບເຂດການຢ້ຽມຢາມ, ທ່ານ ບຸ່ຍແທັງເຊີນ ໄດ້ເຂົ້າຢ້ຽມຂໍ່ານັບທ່ານ Wolfgang Sobotka ປະທານສະພາຕ່ຳ, ພົບປະເຈລະຈາກັບທ່ານ Alexander Schallenberg ລັດຖະມົນຕີການຕ່າງປະເທດ, ພົບປະກັບທ່ານ Martin Kocher ລັດຖະມົນຕີກະຊວງ ເສດຖະກິດ ແລະແຮງງານ, ທ່ານນາງ Karoline Edtstadler ລັດຖະມົນຕີສະຫະພາບເອີລົບ ແລະລັດຖະທຳມະນູນ ແລະເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ໂອຕຣິດ ແລະເຂົ້າຮ່ວມບັນດາເຫດການເຄື່ອນໄຫວວັດທະນະທຳ, ເສດຖະກິດໃນຂອບເຂດຂອງເຫດການ “ວັນຫວຽດນາມ ຢູ່ໂອຕຣິດ 2022”.

leftcenterrightdel
ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ແລະທ່ານ Alexander Schallenberg ລັດຖະມົນຕີການຕ່າງປະເທດສ.ໂອຕຣິດ. ພາບ: ສໍານັກຂ່າວສານຫວຽດນາມ.

ທີ່ການພົບປະຕ່າງໆກັບການນໍາໂອຕຣິດ, ທ່ານ ບຸ່ຍແທັງເຊີນ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ; ສະເໜີໃຫ້ສອງຝ່າຍສືບຕໍ່ຍູ້ແຮງການແລກປ່ຽນຄະນະຜູ້ແທນ, ເປັນຕົ້ນແມ່ນຄະນະຜູ້ແທນຂັ້ນສູງ; ເຫັນດີເປັນເອກະພາບຕໍ່ບັນດາມາດຕະການເພື່ອເປີດກວ້າງ, ເຮັດໃຫ້ການຮ່ວມມືຫຼາຍດ້ານລະຫວ່າງສອງປະເທດເລິກເຊິ່ງກວ່າອີກໃນໄລຍະຈະມາເຖິງ.

leftcenterrightdel
ທ່ານ ບຸ່ຍແທັງເຊີນ ແລກປ່ຽນກັບທ່ານນາງ Karoline Edtstadler. ພາບ: ສໍານັກຂ່າວສານຫວຽດນາມ.

ສອງຝ່າຍເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນ, ໝູນໃຊ້ບັນດາກາລະໂອກາດຈາກສັນຍາການຄ້າເສລີ ຫວຽດນາມ-ສະຫະພາບເອີລົບ (EVFTA) ຢ່າງມີປະສິດທິຜົນ, ສ້າງເງື່ອນໄຂໃຫ້ສິນຄ້າສົ່ງອອກຂອງສອງປະເທດເຂົ້າເຖິງຕະຫຼາດຂອງກັນ. ຝ່າຍ ໂອຕຣິດ ຮັບຮູ້ ແລະພິຈາລະນາຢ່າງຕັ້ງໜ້າຕໍ່ຂໍ້ສະເໜີຂອງທ່ານ ບຸ່ຍແທັງເຊີນ ກ່ຽວກັບເລື່ອງສະພາແຫ່ງຊາດໂອຕຣິດ ໃຫ້ສັດຕະຍາບັນສັນຍາປົກປ້ອງການລົງທຶນຫວຽດນາມ-ອີຢູ (EVIPA) ໂດຍໄວ, ລັດຖະບານໂອຕຣິດ ຈະສະໜັບສະໜູນ ອີຢູ ໃຫ້ຍົກເລີກບັດເຫຼືອງ IUU ດ້ວຍການສົ່ງອອກສິນໃນນ້ຳຂອງຫວຽດນາມ ໂດຍໄວ. ສອງຝ່າຍກໍ່ແລກປ່ຽນກ່ຽວກັບການເປີດກວ້າງການຮ່ວມມືລະຫວ່າງສອງປະເທດໃນຂົງເຂດໃໝ່, ຄື: ການເງິນສີຂຽວ, ພະລັງງານທົດແທນ...

ໂດຍ: ເຈິ່ນຮວ່ຽນ