ນະທີ່ນີ້, ທ່ານປະທານສະພາບໍລິຫານທະນາຄານຮ່ວມມືສາກົນຍີ່ປຸ່ນ Maeda Tadashi ໃຫ້ຮູ້ວ່າ ການມາຢ້ຽມຢາມ ແລະເຮັດວຽກຢູ່ຫວຽດນາມ ແມ່ນເພື່ອແນໃສ່ຊຸກຍູ້ສາຍພົວພັນຮ່ວມມືຍຸດທະສາດລະຫວ່າງສອງປະເທດ, ພ້ອມທັງສ້າງປະຊາຄົມຫຼຸດຜ່ອນການປ່ອຍອາຍພິດລົງເປັນລະດັບ 0 ຢູ່ ອາຊີ, ໃນນັ້ນມີຄຳໝັ້ນສັນຍາຂອງຫວຽດນາມ. ເພື່ອໃຫ້ຫວຽດນາມ ປະຕິບັດສຳເລັດເປົ້າໝາຍນີ້, JBIC ຢາກໜູນຊ່ວຍ ແລະຮ່ວມມືກັບຫວຽດນາມ ດ້ວຍບັນດາໂຄງການທີ່ລະອຽດ. ທ່ານປະທານສະພາແຫ່ງຊາດ ເວືອງດິ່ງເຫວ້ ຢາກໃຫ້ JBIC ໜູນຊ່ວຍຫວຽດນາມ, ລັດຖະບານ, ສະພາແຫ່ງຊາດ ປັບປຸງລະບົບກົດໝາຍ, ລະບອບລະບຽບການໃນການພັດທະນາແບບຍືນຍົງໃຫ້ສົມບູນ, ໂດຍສະເພາະແມ່ນການປ່ຽນແປງຂອງດິນຟ້າອາກາດ ແລະການຫັນປ່ຽນພະລັງງານ.

leftcenterrightdel
ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້ ຕ້ອນຮັບທ່ານ Maeda Tadashi ປະທານສະພາບໍລິຫານທະນາຄານຮ່ວມມືສາກົນຍີ່ປຸ່ນ. ພາບ: qdnd.vn

ທ່ານປະທານສະພາແຫ່ງຊາດ ກໍສະເໜີໃຫ້ JBIC ໜູນຊ່ວຍຫວຽດນາມ ທັງສອງຂົງເຂດໃຫ້ຄຳປຶກສາດ້ານເຕັກນິກໃນການຄຳນວນ, ຍົກອອກແຜນຍຸດທະສາດ, ຂັ້ນຕອນການຫັນປ່ຽນທີ່ເປັນໄປໄດ້, ແນໃສ່ໃຫ້ບັນລຸໄດ້ທັງເປົ້າໝາຍ, ທັງສ້າງຄວາມດຸ່ນດ່ຽງດ້ານລາຄາໃນແຕ່ລະຂັ້ນຕອນ ແລະໄລຍະຍາວ; ສ້າງເງື່ອນໄຂໃຫ້ຫວຽດນາມ ໄດ້ສຳຜັດກັບບ້ວງໜູນຊ່ວຍສິນເຊື່ອຂອງບັນດາໂຄງການພະລັງງານສີຂຽວ, ຫັນປ່ຽນພະລັງງານທີ່ມີອັດຕາດອກເບ້ຍກູ້ຢືມທີ່ເໝາະສົມ.

ຂ່າວ: ວິທະຍຸຈະຈາຍສຽງຫວຽດນາມ