ຍູ້ແຮງການພົວພັນຮ່ວມມືຮອບດ້ານລະຫວ່າງຫວຽດນາມ ແລະກໍາປູເຈຍ
ກປ.ອອນໄລ - ຕອນບ່າຍວັນທີ 24 ມິຖຸນາ, ທີ່ຮ່າໂນ້ຍ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ຕ້ອນຮັບທ່ານນາງ Men Sam An ຮອງນາຍົກລັດຖະມົນຕີ, ລັດຖະມົນຕີກະຊວງການພົວພັນສະພາແຫ່ງຊາດ, ສະພາສູງ ແລະກວດກາລາຊະອານາຈັກກໍາປູເຈຍ, ຮອງປະທານພັກປະຊາຊົນກໍາປູເຈຍ, ປະທານສະມາຄົມມິດຕະພາບກໍາປູເຈຍ-ຫວຽດນາມ.
|
|
ທ່ານ ຟ້າມມິງຈິ໊ງ ແລະທ່ານນາງ Men Sam An. ພາບ: ສໍານັກຂ່າວສານຫວຽດນາມ. |
ທ່ານ ຟ້າມມິງຈິ໊ງ ປາດຖະໜາວ່າ ທ່ານນາງ Men Sam An ສືບຕໍ່ມີການປະກອບສ່ວນຢ່າງຕັ້ງໜ້າເຂົ້າໃນການຍູ້ແຮງການພົວພັນຮ່ວມມືຮອບດ້ານລະຫວ່າງສອງປະເທດໃນຂົງເຂດການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ການສຶກສາກໍ່ສ້າງ, ການພົບປະແລກປ່ຽນປະຊາຊົນ, ການຮ່ວມມືລະຫວ່າງບັນດາທ້ອງຖິ່ນ, ໂດຍສະເພາະແມ່ນບັນດາແຂວງຕິດກັບຊາຍແດນ ກໍ່ຄືການຮ່ວມມືໃນບັນດາບັນຫາສາກົນ ແລະພາກພື້ນ. ທ່ານນາຍົກລັດຖະມົນຕີປາດຖະໜາວ່າ ກໍາປູເຈຍ ສືບຕໍ່ສ້າງເງື່ອນໄຂໃຫ້ພົນລະເຮືອນ, ວິສາຫະກິດຫວຽດນາມ ແລະປະຊາຄົມຊາວຫວຽດນາມ ດໍາລົງຊີວິດ, ທໍາມາຫາກິນຢູ່ກໍາປູເຈຍ.
|
|
ທ່ານ ຟ້າມມິງຈິ໊ງ ຕ້ອນຮັບທ່ານນາງ Men Sam An. ພາບ: ສໍານັກຂ່າວສານຫວຽດນາມ. |
ທ່ານນາງ Men Sam An ຕີລາຄາສູງການພັດທະນາສາຍພົວພັນສອງປະເທດໃນເຄິ່ງກວ່າສະຕະວັດຜ່ານມາ. ທ່ານນາງ Men Sam An ຢັ້ງຢືນວ່າ ຈະສືບຕໍ່ມານະພະຍາຍາມປະກອບສ່ວນເພີ່ມພູນຄູນສ້າງໃຫ້ນໍ້າໃຈມິດຕະພາບລະຫວ່າງສອງປະເທດ.
ໂດຍ: ໄຊນີດາ