ນາຍົກລັດຖະມົນຕີຫວຽດນາມ ເດີນທາງໄປເຂົ້າຮ່ວມກອງປະຊຸມສຸດຍອດພິເສດອາຊຽນ-ອາເມລິກາ
ກປ.ອອນໄລ - ໂດຍຮັບຄໍາເຊີນຂອງທ່ານ Joseph Robinette Biden Jr. ປະທານາທິບໍດີ ອາເມລິກາ, ຕອນຄໍ່າວັນທີ 10 ພຶດສະພາ (ຕາມເວລາທ້ອງຖິ່ນ), ທ່ານ ຟ້າມມິງຈິ໊ງ ນາຍົກລັດຖະມົນຕີ ແລະຄະນະຜູ້ແທນຫວຽດນາມ ໄດ້ອອກເດີນທາງໄປເຂົ້າຮ່ວມກອງປະຊຸມສຸດຍອດພິເສດອາຊຽນ-ອາເມລິກາ ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນສອງຝ່າຍ; ຢ້ຽມຢາມ, ເຮັດວຽກຢູ່ອາເມລິກາ ແລະ ສປຊ ໃນລະຫວ່າງວັນທີ 11-17 ພຶດສະພາ.
|
|
ທ່ານ ຟ້າມມິງຈິ໊ງ ນາຍົກລັດຖະມົນຕີ ເດີນທາງໄປເຂົ້າຮ່ວມກອງປະຊຸມສຸດຍອດພິເສດອາຊຽນ-ອາເມລິກາ ຢ້ຽມຢາມ, ເຮັດວຽກຢູ່ອາເມລິກາ ແລະ ສປຊ. ພາບ: baochinhphu.vn |
ທີ່ກອງປະຊຸມສຸດຍອດພິເສດອາຊຽນ-ອາເມລິກາ, ທ່ານ ຟ້າມມິງຈິ໊ງ ນາຍົກລັດຖະມົນຕີ ຈະມີບົດກ່າວປາໄສສໍາຄັນທີ່ວາລະປະຊຸມຂອງການນໍາ; ພ້ອມທັງ, ທ່ານນາຍົກລັດຖະມົນຕີ ກໍ່ຈະມີການພົບປະສອງຝ່າຍຄັ້ງຕ່າງໆ. ທີ່ນິວຢອກ, ທ່ານ ນາຍົກລັດຖະມົນຕີ ຈະພົບປະ, ເຮັດວຽກກັບການນໍໍາ ສປຊ. ໃນໄລຍະຢູ່ ອາເມລິກາ, ທ່ານ ນາຍົກລັດຖະມົນຕີ ຈະໄປຢ້ຽມຢາມບັນດາ ຮາກຖານເສດຖະກິດ, ວັດທະນະທໍາ; ຢ້ຽມຢາມ ແລະໂອ້ລົມກັບພະນັກງານສະຖານທູດ ຫວຽດນາມ ປະຈໍາ ອາເມລິກາ, ປະຊາຄົມຊາວຫວຽດນາມ ອາໄສຢູ່ອາເມລິກາ, ພົບປະກັບອົງການຈັດຕັ້ງສາກົນ, ວິສາຫະກິດ, ນັກຊ່ຽວຊານ, ນັກຮຽນຮູ້ຢູ່ອາເມລິກາ.
ໂດຍ: ໄຊນີດາ