ກອງປະຊຸມປຶກສາຫາລືດ້ານການເມືອງຂັ້ນຮອງລັດຖະມົນຕີຕ່າງປະເທດ ຫວຽດນາມ-ນິກາຣາກົວ
ກປ.ອອນໄລ - ຕອນເຊົ້າວັນທີ 19 ຕຸລາ, ທ່ານ ຫງວຽນກວກຢູງ ຮອງລັດຖະມົນຕີຕ່າງປະເທດຫວຽດນາມ ແລະທ່ານ Arlette Marenco ຮອງລັດຖະມົນຕີຕ່າງປະເທດນິກາຣາກົວ ໄດ້ດໍາເນີນກອງປະຊຸມປຶກສາຫາລືດ້ານການເມືອງຄັ້ງທໍາອິດຜ່ານລະບົບທາງໄກ.
|
|
ກອງປະຊຸມປຶກສາຫາລືດ້ານການເມືອງຂັ້ນຮອງລັດຖະມົນຕີຕ່າງປະເທດ ຫວຽດນາມ-ນິກາຣາກົວ ຜ່ານລະບົບທາງໄກ. ພາບ: ສໍານັກຂ່າວສານຫວຽດນາມ. |
ຮອງລັດຖະມົນຕີ ຫງວຽນກວກຢູງ ຢືນຢັນວ່າ ຫວຽດນາມ ປາດຖະໜາຢາກສືບຕໍ່ຊຸກຍູ້ການພົວພັນມິດຕະພາບ ແລະການຮ່ວມມືກັບນິກາຣາກົວ ບົນພື້ນຖານຄວາມສາມັກຄີ, ມິດຕະພາບທີ່ເປັນມູນເຊື້ອ ແລະແບ່ງປັນຫຼັກການພື້ນຖານຂອງການພົວພັນສາກົນ ແລະຜົນປະໂຫຍດລວມໃນວິວັດການພັດທະນາຂອງສອງປະເທດ.
ທ່ານ Arlette Marenco ຢືນຢັນວ່າ ນິກາຣາກົວ ປາດຖະໜາຢາກເພີ່ມທະວີສາຍພົວພັນມິດຕະພາບ ແລະການຮ່ວມມືຫຼາຍດ້ານກັບຫວຽດນາມ ບົນພື້ນຖານສາຍພົວພັນປະຫວັດສາດອັນດີງາມລະຫວ່າງສອງປະເທດ.
ການນຳກະຊວງການຕ່າງປະເທດສອງປະເທດໄດ້ເຫັນດີເປັນເອກະພາບນຳກັນວ່າ ທັງສອງຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອຮັກສາທ່າພັດທະນາສາຍພົວພັນ, ຊຸກຍູ້ການຢ້ຽມຢາມທຸກຂັ້ນ, ຜັນຂະຫຍາຍບັນດາກົນໄກການປຶກສາດ້ານການເມືອງລະຫວ່າງສອງກະຊວງການຕ່າງປະເທດຢ່າງມີໄຫວພິບ ແລະມີປະສິດທິຜົນ...
ໂດຍ: ທະນາພອນ